हॅलो बॉलीवूड ऑनलाईन । मिस युनिव्हर्स सुष्मिता सेन अनेकदा तिच्या प्रेमप्रकरणांमुळे चर्चेत असते. एक्स बॉयफ्रेंड रोहमन शॉलसोबत ब्रेकअप झाल्यानंतर सुष्मिताने ललित मोदीसोबतच्या नात्याबाबत सांगून सर्वांना आश्चर्यचकित केले. पण आता सुष्मिता आणि ललित मोदी यांच्या ब्रेकअपच्या बातम्याही गेल्या अनेक दिवसांपासून चर्चेत आहेत. ब्रेकअपच्या या बातम्यांदरम्यान आता सुष्मिता सेनचे नवे फोटो समोर आले आहेत, जे पाहून चाहते आणखीनच गोंधळले आहेत. वास्तविक सुष्मिताने तिची मुलगी रैनच्या वाढदिवसाच्या पार्टीचे काही फोटो सोशल मीडियावर शेअर केले आहेत. या फोटोंमध्ये ती तिचा एक्स बॉयफ्रेंड रोहमन शॉल आणि हृतिक भसीनसोबत दिसत आहे.
ललित मोदीसोबतच्या ब्रेकअपच्या बातम्यांदरम्यान सुष्मिता सेनला एक्स बॉयफ्रेंडसोबत पार्टी करताना पाहून चाहतेही गोंधळले आहेत. सुष्मिताच्या लव्ह लाईफमध्ये नेमकं काय चालले आहे, ते फक्त तीच सांगू शकते. मात्र, ललित मोदींसोबत ब्रेकअप झाल्याच्या बातमीवर सुश्मिताने अजून तरी कोणतीही प्रतिक्रिया दिलेली नाही.
सुष्मिता सेन आणि ललित मोदी यांच्या ब्रेकअपची बातमी का व्हायरल झाली?
ललित मोदींनी जेव्हा सुष्मिता सेनसोबतचे नाते अधिकृत केले तेव्हा त्यांनी इन्स्टाग्रामवर त्यांचे डिस्प्ले पिक्चर (डीपी) आणि बायो बदलले. ललित मोदींनी सुष्मिता सेनसोबतचा प्रोफाईल फोटो टाकला होता.तसेच त्यानी त्यावेळी त्याच्या इंस्टाग्राम बायोमध्ये सुष्मिता सेनबद्दल लिहिले होते की, मी माझ्या जोडीदारासोबत नवीन आयुष्य सुरू करत आहे. माझं प्रेम सुष्मिता सेन. पण आता ललित मोदींनी इन्स्टाग्रामवरून सुष्मिता सेनसोबतचा प्रोफाईल फोटो हटवला आहे. ललित मोदींनी बायोमधून सुष्मिता सेनसाठी लिहिलेला प्रेमळ संदेशही काढून टाकला आहे. तेव्हापासून त्यांच्या ब्रेकअपच्या बातम्या चर्चेत राहिल्या
Discussion about this post