हॅलो बॉलिवूड ऑनलाईन। बाहुबलीसारख्या बिग बजेट आणि सुपर हिट चित्रपटातून अभिनेता प्रभासने आपल्या अभिनयाची एक वेगळीच छाप सोडली आहे. यानंतर आता लवकरच त्याच ‘आदिपुरुष’ हा चित्रपट येत आहे. या चित्रपटाची चर्चा सोशल मीडियावर सुरु असतानाच आणखी एक मोठी बातमी समोर आली आहे. मराठी सिनेसृष्टीतील बोल्ड आणि सडेतोड अभिनेत्री तेजस्विनी पंडित या चित्रपटात एका महत्वपूर्ण भूमिकेत दिसण्याची शक्यता आहे. तसे संकेत स्वतः तेजस्विनीने एक पोस्ट शेअर करत दिले आहे.
मराठी सिनेविश्वातील लोकप्रिय अभिनेत्री तेजस्विनी पंडितने आपल्या अधिकृत सोशल मीडिया हँडलवर एक पोस्ट शेअर केली आहे. यामध्ये तिने ‘आदिपुरुष’ या बहुप्रतीक्षित चित्रपटाचे पोस्टर शेअर केले आहे आणि सोबत एक कॅप्शन लिहिले आहे. ज्यामध्ये तेजस्विनीने लिहिले आहे की, ‘आरंभ.. २ ऑक्टोबरला आमच्यासोबत चित्रपटाचा टीझर बघायला तयार राहा..’. आता या पोस्टचा अर्थ वेगळा असा काय असेल..? आमच्यासोबत या शब्दावर जोर देता तेजस्विनी ‘आदिपुरुष’ या चित्रपटात महत्वाच्या भूमिकेत असणार आहे हे निश्चित झाले आहे.
तेजस्विनीने शेअर केलेल्या या पोस्टवर तिच्या चाहत्यांनी तसेच अनेक नेटकऱ्यांनी कमेंट करीत तिच्यावर अभिनंदनाचा वर्षाव केला आहे. तेजस्विनीचे चाहते तिला या चित्रपटात पाहण्यासाठी आतुर झाले आहेत. ‘आदिपुरुष’ या चित्रपटाची गेल्या काही दिवसांपासून बरीच चर्चा आहे. अलीकडेच या चित्रपटातील प्रभासच फर्स्ट लुकदेखील समोर आला आहे. ज्याला चाहत्यांचा मोठा प्रतिसाद दिला.
‘बाहुबली’ नंतर येणारी भव्य कलाकृती म्हणून या चित्रपटाकडे पहिले जात आहे. या चित्रपटाचे दिग्दर्शन ओम राऊत करत आहेत. या चित्रपटात प्रभास हा प्रभू श्रीराम यांच्या भूमिकेत झळकणार आहे. तर रावणाच्या भूमिकेत सैफ अली खान असणार आहे. शिवाय क्रिती सॅनॉन, सनी सिंगदेखील अन्य महत्वाच्या भूमिकेत दिसतील.
Discussion about this post