हॅलो बॉलिवूड ऑनलाईन। अभिनेत्री अपूर्वा नेमळेकरवर दुःखाचा डोंगर कोसळला असून ती पूर्णपणे कोलमडली आहे. अपूर्वाचा लहान भाऊ ओमी याला वयाच्या अवघ्या २८ व्या वर्षी देवाज्ञा झाली आहे. दोन दिवसापूर्वीच अपूर्वाने याबाबतची माहिती देत त्याला श्रद्धांजली वाहणारी एक पोस्ट शेअर केली होती. हृदयविकाराच्या झटक्यामुळे त्याचे निधन झाले आणि यामुळे संपूर्ण नेमळेकर कुटुंब शोकात आहे. अशातच भावाच्या निधनानंतर अपूर्वाच्या बहिणीने मोठा धक्का घेतला आहे. त्यामुळे तिची अवस्था फार बिकट झाली आहे.
अपूर्वाने म्हटले आहे कि, ‘मला माझे संपूर्ण जग उद्धवस्त होताना दिसत आहे. पण तरीही माझा प्रार्थनांवर विश्वास आहे. मला आशा आहे की, माझी बहीण लवकरच बरी होईल. कृपया तिच्यासाठी प्रार्थना करा. श्री स्वामी समर्थ!!’. अपूर्वाच्या बहिणीचे नाव स्वामिनी नेमळेकर असे आहे. सध्या संपूर्ण नेमळेकर कुटुंब एका अत्यंत भावनिक प्रसंगाशी लढत आहेत. वयाच्या २८ व्या वर्षी ओमकारच्या निधनाने सगळ्यांनाच चटका लावला आहे. अपूर्वाने लाडक्या भावाला श्रद्धांजली वाहताना एक पोस्ट शेअर करताना त्याच्यासोबतचे काही फोटोदेखील पोस्ट केले आहेत.
या पोस्टमध्ये अपूर्वाने लिहिले आहे कि, ‘तुला गमावणं ही माझ्या आयुष्यातील सर्वात कठीण गोष्ट आहे. आम्ही निरोप घ्यायला तयार नव्हतो. तुला सोडायला तयार नव्हतो. यामुळे मी बिनशर्त प्रेमावर विश्वास ठेवायला शिकलेय. कारण मृत्यूबद्दलची एक गहन गोष्ट म्हणजे प्रेम कधीही मरत नाही. जरी शारीरिकदृष्ट्या तू इथे नसला तरी तुझे हृदय इथेच असेल, ते माझ्याजवळ कायमच राहील. तू नेहमीच माझ्याबरोबर असशील. आपण पुन्हा कधीतरी नक्कीच भेटू आणि तिथे आपल्याला वेळ किंवा जागाही वेगळं करु शकत नाही… माझ्या बाळा लवकरच भेटण्याची आशा आहे’, असे तिने या पोस्टमध्ये म्हटले होते.
Discussion about this post