हॅलो बॉलिवूड ऑनलाईन। ‘द कपिल शर्मा शो’ या कार्यक्रमाने प्रेक्षकांना अगदी खळखळून हसवलं. अनेक कलाकारांना या कार्यक्रमाने एक नवी ओळख मिळवून दिली. हलके-फुलके विनोद आणि खूप मज्जा करत हे कलाकार नेहमीच प्रेक्षकांच्या चेहऱ्यावर हसू आणताना दिसतात. या कार्यक्रमाचा एक मोठा चाहता वर्ग आहे. तर या प्रेक्षकांसाठी एक मोठी बातमी समोर आली आहे. ‘द कपिल शर्मा शो’ लवकरच बंद होणार असून प्रेक्षकांचा निरोप घेणार आहे अशी चर्चा सुरु आहे. यावर स्वतः कपिल शर्माने मौन सोडत महत्वाची माहिती दिली आहे.
येत्या जून महिन्यात ‘द कपिल शर्मा शो’चा शेवटचा भाग प्रसारित होणार असून पुढे हा कार्यक्रम अनिश्चित काळासाठी बंद राहिल, अशी चर्चा सुरु आहे. याआधी देखील हा कार्यक्रम काही काळासाठी बंद होता. कलाकरांना विश्रांती मिळावी या हेतून तेव्हा कार्यक्रम बंद होता. शिवाय शोमधील कास्टमध्येसुद्धा काही प्रमुख बदल कारण्याहेतू कार्यक्रमाने ब्रेक घेतला होता. परंतु आता या कार्यक्रमाला फुल्ल स्टॉप लावण्याचा निर्णय निर्मात्यांनी घेतला असल्याचे बोलले जात आहे.
एका वृत्त माध्यमाला मुलाखत देताना कपिल शर्माने स्वतः याबाबत खुलासा करताना म्हटले आहे कि, ‘अजूनतरी या निर्णयावर शिक्कामोर्तब झालेला नाही. याबाबत काहीही निश्चित झालं नसून आम्हाला जुलै महिन्यात आमच्या एका लाइव्ह शोकरता अमेरिकेला जायचं आहे. त्यामुळे या लाईव्ह शोनंतर ठरवलं जाईल की त्यावेळी काय करायचं. म्हणून याविषयी काहीही बोलण्यासाठी अजून खूप वेळ आहे असं मला वाटत’. असे असूनही निर्माते या शोबाबत काय निर्णय घेतात याकडे चाहत्यांचे लक्ष लागले आहे.
Discussion about this post