हॅलो बॉलिवूड ऑनलाईन। झी मराठी या वाहिनीवर सुरु असलेली ‘माझा होशील ना’ ही मालिका दिवसेंदिवस प्रेक्षकांच्या मनात घर करू लागली आहे. मालिकेतील पात्र आणि सुरुवातीपासूनच मालिका घेत असलेली रंजक वळणे यांमुळे हि मालिका लोकप्रिय मालिकांपैकी एक होऊ लागली आहे. नेहमीप्रमाणे यावेळी देखील हि मालिका एका अनोख्या वळणावर येऊन ठेपली आहे. आता लवकरच या मालिकेत खलनायक पाहायला मिळणार असल्याची चर्चा जोरदार सुरु आहे. मालिकेचे रंजक कथानक प्रेक्षकांच्या पसंतीस येत असताना आता यात खलनायकाची होणारी एन्ट्री प्रेक्षकांसाठी नवखी ठरणार आहे.
मालिकेत नुकतेच आदित्य आणि सई लग्नबंधनात अडकल्याचे पाहायला मिळाले. लग्नानंतर मात्र सई आणि आदित्यच्या जीवनात दररोज काही ना काही थोडे चांगले तर थोडे वाईट प्रसंग घडत आहेत. मात्र तरीही साऱ्यांवर मात करीत आपला संसार फुलवू पाहणाऱ्या या जोडप्यांत दुरावा निर्माण करण्यासाठी लवकरच एक खलनायकाची येणार आहे. अत्यंत कपटी, बेरकी आणि क्रूर असा असा हा खलनायक आदित्य-सईच्या आयुष्यात संकट बनून येणार आहे. मालिकेत खलनायक साकारणारा अभिनेता कोण असेल? हा प्रश्न साऱ्यांच्या मनाला भेडसावत आहे.
तर मराठी तसेच हिंदी मनोरंजन विश्वातला प्रसिद्ध अभिनेता अतुल परचुरे हा पहिल्यांदाच खलनायकाच्या रुपात दिसणार आहे. आतापर्यंत कॉमेडी अंदाजात अतुल परचुरेला सार्यांनीच पाहिलंय, मात्र आता पहिल्यांदाच तो खलनायक म्हणून प्रेक्षकांच्या समोर येणार आहे. त्यामुळे त्याच्या चाहत्यांची उत्सुकता आणखीच वाढली आहे.माझा होशील ना… या मालिकेत विराजस आणि गौतमीसोबतच, विनय येडेकर, निखिल रत्नपारखी, सुनील तावडे यांच्या महत्त्वाच्या भूमिका आहेत. मात्र आता यात अतुल परचुरेची एंट्री रसिकांचे कितपत मनोरंजन करणार हे पाहणे आणखी रंजक असणार आहे.
Discussion about this post