हॅलो बॉलिवूड ऑनलाईन। बिग बॉस मराठीचे चौथे सीजन सुरु तर झाले पण नरम गरम अवस्थेत. कधी राडा, कधी बाचाबाची हे तर चालूच होतं पण म्हणावा तसा मसाला कधी यात नव्हताच असे अनेकदा प्रेक्षक म्हणताना दिसले. म्हणूनच आता बिग बॉस घरात ४ तगडे चॅलेंजर्स घेऊन आले आहेत. हे दुसरे तिसरे कुणी नसून तुमच्या ओळखीचे चार चेहरे आहेत. ज्यांनी बिग बॉसचे आधीचे पर्व कमाल गाजवले आहेत. राखी सावंत, मीरा जगन्नाथ, विशाल निकम आणि आरोह वेलणकर यांनी चॅलेंजर्स म्हणून घरात धमाकेदार एंट्री घेतली आहे.
या चावडी दरम्यान समृद्धीने बिग बॉसच्या घराचा निरोप घेतला. त्यानंतर थोडावेळ घरातील वातावरण भावुक झाल्याचे दिसले. पुढे बिग बॉसने घरातील सदस्यांना असं काही सरप्राईज दिल कि पुढचे चार दिवस आता ते झोपायचा विचारसुद्धा करणार नाहीत. राखी सावंत जिच्या नावाची सतत चर्चा असते ती बिग बॉसमध्ये कधी येणार..? याबाबत प्रेक्षक आतुर होते. मात्र लोकांना ती हिंदी बिग बॉसमध्ये दिसेल अशी अपेक्षा असताना तिने चक्क मराठी बिग बॉसमध्ये एंट्री घेतली आहे.
इतकाच काय तर एकावेळी ४ वाईल्ड कार्ड झाल्यामुळे सगळ्यांचीच बोलती बंद झाली. मुख्य म्हणजे या वाईल्ड कार्ड मध्ये बिग बॉसच्या तिसऱ्या पर्वाचा विजेता विशाल निकम आणि राडा गर्ल मीरा जगन्नाथदेखील सहभागी झाली आहे. इतकेच काय तर बिग बॉसच्या दुसऱ्या पर्वात वाईल्ड कार्ड म्हणून सहभागी झालेला आरोह वेलणकर सुद्धा चॅलेंजर्स म्हणून घरात आलाय. आता उत्सुकता आहे ती यांच्या येण्याने चालू खेळ कसा बदलणार ? त्यांना काय खास पावर मिळणार ? आणि घरातील जुन्या स्पर्धकांना यांच्याशी जुळवून घेता येईल कि खटके उडणार..? हे जाणून घेण्यासाठी आता बिग बॉस मराठीचे येणारे भाग पहायला खरी मजा येणार.
Discussion about this post