हॅलो बॉलिवूड ऑनलाईन। जर तुम्ही सोशल मीडिया युजर असाल तर तुम्हाला गौतमी पाटील हे नाव माहित नाही असे होणे शक्यच नाही. सध्या संपूर्ण सोशल मीडियासह अख्ख्या महाराष्ट्राला तिनं याद लावलं आहे. गौतमीच्या डान्स शोसाठी काका, मामा, दादा हातातली काम सोडून गर्दी करताना दिसतात.
अशा गौतमीच्या सौंदर्यावर आणि नृत्यावर जीव ओवाळून टाकणारे चाहते आता पुन्हा नव्याने तिच्या प्रेमात पडणार आहेत. कारण नुकताच तिच्या पहिल्या वहिल्या चित्रपटाचा ट्रेलर रिलीज झाला आहे. यामध्ये गौतमी पाटील मुख्य भूमिकेत दिसणार आहे.
‘घुंगरू’ असं या चित्रपटाचे नाव असून यामध्ये गौतमी पाटील हि एका लावणी सम्राज्ञीच्या भूमिकेत दिसते आहे. स्त्री म्हणून अन्याय झालेली एक लावणी सम्राज्ञी अशी भूमिका ती साकारते आहे. अलीकडेच गौतमी पाटीलने आपल्या आगामी चित्रपटाची माहिती दिली होती. ती म्हणाली होती कि, ‘माझा घुंगरु नावाचा चित्रपट लवकरच प्रेक्षकांच्या भेटीला येणार आहे. या चित्रपटात माझी भूमिका काय असेल हे मी आता सांगणार नाही. तुम्ही स्वत: चित्रपटगृहात या आणि तो पहा. या चित्रपटातून आम्ही कलाकार आणि लोककलावंत यांची व्यथा मांडण्याचा प्रयत्न करत आहोत. सध्या चित्रपटाचं शूटींग सुरु आहे. चित्रपटाचं शूटींग पूर्ण झाल्यानंतरच या चित्रपटाच्या प्रदर्शनाच्या तारीखेची घोषणा करण्यात येईल. पण हा चित्रपट नक्की पहा’.
तर आता या चित्रपटाचा ट्रेलर प्रदर्शित झाला आहे आणि यावर गौतमीचे चाहते आपल्या पसंतीची मोहोर उमटवत आहेत. आता साहजिकच चित्रपटात सबसे कातिल… गौतमी पाटील आहे म्हणजे प्रेक्षकांची शोप्रमाणे चित्रपटालासुद्धा गर्दी होणार. मग काय गौतमीचा चित्रपट हिट आहे असे म्हणायला हरकत ती काय. अद्याप गौतमीचा हा चित्रपट कधी प्रदर्शित होणार याची घोषणा केलेली नाही. मात्र चित्रपटाचा ट्रेलर पाहून चाहत्यांची उत्सुकता प्रचंड वाढली आहे.
Discussion about this post