हॅलो बॉलीवूड ऑनलाईन | ये रिश्ता क्या कहलाता है टीव्ही कार्यक्रमातील 3 अभिनेते आणि काही तंत्रज्ञ कोरोना पॉझिटिव्ह असल्याचे आढळले आहे. अभिनेता सचिन त्यागी, समीर ओंकार आणि स्वाती चिटणीस यांचा कोरोना अहवाल पॉझिटिव्ह आला आहे. शोमध्ये कार्तिकच्या वडिलांची भूमिका साकारणारे सचिन त्यागी म्हणाले, ‘माझी कोरोना टेस्ट पॉझिटिव्ह आली आहे. आम्ही खूप काळजीपूर्वक शूट करत होतो, परंतु तरीही आम्हाला कोरोना संसर्ग झाला आहे. मला वाटते की आपण सर्वांनी ते सकारात्मक मार्गाने घेतले पाहिजे. मला लक्षणे आढळली नाहीत परंतु मी वेळेवर चाचणी केली.
कार्तिकच्या आजीची भूमिका साकारणारी स्वाती चिटणीस म्हणाली, ‘मला याची लक्षणे नव्हती. मी आता बरी होत आहे. मी वेळोवेळी माझ्या आरोग्यावर लक्ष ठेवतेय. मला आशा आहे की लवकरच बरी होईल आणि पुन्हा कामावर येईन.
समीर ओंकार म्हणाले की, ‘माझ्या आयुष्यात प्रथमच मला मी पॉझिटिव्ह झालेलो आवडल नाही. मला कोरोनाची लक्षणे दिसली नाहीत. मी स्वत: ला आयसोलेट केले आहे आणि मी माझ्या आहाराची काळजी घेत आहे.
शोचे निर्माते राज शादी यांनी एक निवेदन प्रसिद्ध करून म्हटले आहे की हे तीन कलाकार सध्या क्वारंटाइन आहेत. शोची संपूर्ण टीम आयसोलेट केली आहे. शोचे चार क्रू मेंबर्सही कोरोना पॉझिटिव्ह असल्याचे निष्पन्न झाले आहे.
बीएमसीला कळविण्यात आले आहे आणि संपूर्ण सेट स्वच्छ करण्यात आला आहे. आम्ही टीमशी सतत संपर्कात असतो कारण त्यांचे आरोग्य हेच आमचे प्राधान्य आहे.
ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला whatsapp करा आणि लिहा ‘hello news’
