हॅलो बॉलिवूड ऑनलाईन। सोशल मीडियावर सक्रिय असणारा प्रत्येकजण उर्फी जावेदला चांगलाच ओळखतो. अतरंगी, विचित्र, डोक्याच्या वरून जाणारी ड्रेसिंग स्टाईल करत उर्फीने सगळ्यांच्याच नाकी नऊ आणले आहेत. ट्रोलिंग झालं, पोलिसांत तक्रार झाल्या, आंदोलनं झाली, धमक्या मिळाल्या… पण उर्फीला काहीही फरक पडलेला नाही. तीच विचित्र ड्रेसिंग करणं अजून सुरूच आहे. यावेळी तिचा आणखी एक व्हिडीओ समोर आला आहे. ज्यामध्ये ती पुन्हा एकदा कॅमेऱ्यासमोर टॉपलेस झाली आहे.
अनेकदा ट्रोलिंग होऊनही उर्फी जावेदच्या विचित्र आऊटफिट परिधान करण्याच्या सवयीला कोणताही अंकुश लागलेला नाही. आता तिचा आणखी एक नवीन व्हिडिओ सोशल मीडियावर व्हायरल होत आहे. उर्फीने स्वतः हा व्हिडीओ तिच्या अधिकृत सोशल मीडिया हँडल इंस्टाग्रामवर शेअर केला आहे. ज्यामध्ये साहजिकच ती तिच्या अतरंगी ड्रेसिंग स्टाईलमध्ये दिसते आहे. या व्हिडिओमध्ये तीने आपले शरीर झाकण्यासाठी निळ्या रंगाच्या मण्यांनी बनवलेल्या लांब माळा डोक्याला बांधल्या आहेत. त्यांनतर तिने केसांना बांधलेल्या या माळा कात्रीने कापल्या आणि कॅमेरासमोर टॉपलेस अवतारात उभी राहिली.
हा व्हिडिओ शेअर करताना तिने कॅप्शनमध्ये लिहिलंय तिचा हा लूक किमहेकिमपासून प्रेरित आहे. हा एक कोरियन फॅशन ब्रँड आहे. तिचा हा अवतार पाहून पुन्हा नेटकरी भडकले आहेत. अनेकांनी तर उर्फीवर शिव्यांची बरसात केली आहे. यावर कमेंट करताना एका व्यक्तीने उर्फीला पॉर्न स्टार होण्याचादेखील सल्ला दिला आहे. तर अनेकांनी तिला रमजानसारख्या पवित्र महिन्यात एक ईस्लामीक धर्मीय असूनही असे कपडे परिधान करण्यावरून झाडले आहे.
Discussion about this post