हॅलो बॉलिवूड ऑनलाईन । बिग बॉस ओटिटीमुळे प्रकाश झोतात आलेली उर्फी जावेद नेहमीच सोशल मीडियावर चर्चेत असते आणि याच एकमेव कारण म्हणजे तिची अतरंगी फॅशन. यामुळे कितीही वेळा ट्रोल होऊनसुद्धा ऊर्फी मात्र तटस्थ आहे. सध्या सोशल मीडियावर तिचा हार्ट ब्रेकर लूक बराच चर्चेत आला आहे. यावर नेटकरी आणि चाहते तुफान प्रतिक्रिया देत आहेत. काहीजण उर्फीला ट्रोल करण्यात व्यस्त आहेत तर काही मात्र तिच्या या नव्या ड्रेसवर भाळले आहेत आणि तिचे कौतुक करत आहेत.
उर्फी जावेदने एक नवा लूक करत पुन्हा एकदा सोशल मीडिया हादरवून टाकला आहे. तिचा हा लूक सेलिब्रिटी फोटोग्राफर विरल भयानी यांनी सोशल मीडियावर शेअर केला आहे. यावेळी ती हार्ट ब्रेकर झाली आहे. तिने लाल रंगाचा शॉर्ट स्कर्ट आणि तुटलेल्या हृदयाच्या आकाराचा टॉप परिधान केला आहे. तसेच साजेसा मेकअप आणि हेअरस्टाईल मूळे तिचा लूक परफ़ेक्ट झाला आहे. यात नेहमीप्रमाणे ती लक्षवेधी दिसते आहे. शिवाय तिचा हा लूक हार्ट ब्रेकर, ब्रेकअप ड्रेस असा म्हणून चर्चेत आला आहे. अनेक नेटकरी तिच्या या लुकवर विविध प्रकारच्या प्रतिक्रिया देताना दिसत आहेत.
या व्हायरल लूकवर एकाने म्हंटले आहे की, तुझ हृदय तुटलं आहे का..? तर आणखी एकाने म्हंटले आहे की, हा ड्रेस ब्रेकअप झालेल्या लोकांसाठी उत्तम आहे. ब्रेकअप ड्रेस.. वाह वाह.. तर आणखी एक म्हणतोय की, हार्ट ब्रोकन झालाय बीचारीचा. शिवाय काहींनी नेहमीप्रमाणे तिच्या ड्रेसिंगची खिल्ली उडवली आहे. एकाने लिहिले की, हे काय घातलं आहेस.. जराही अक्कल नाही. तर आणखी एकाने लिहिले की, आलीस परत..? तर आणखी एकाने तिला विचारले आहे कि. ‘तू कधी सुधारणार आहेस..?’
Discussion about this post