‘शोभेकरतातरी आवाज उठवा’; उर्मिला मातोंडकरांचा फडणवीसांना चिमटा

हॅलो बॉलिवूड ऑनलाईन। बॉलिवूड अभिनेत्री आणि शिवसेना नेत्या उर्मिला मातोंडकर त्यांच्या सडेतोड विधानांकरिता चर्चेत असतात. त्यांनी नुकताच राज्याचे होऊन गेलेले मुख्य मंत्री आणि विरोधी पक्षनेते देवेंद्र फडणवीस याना टोला लगावला आहे. भाजपच्या १२ आमदारांचे निलंबन सर्वोच्च न्यायालयाने रद्द केल्यानंतर देवेंद्र फडणवीस यांनी सरकारवर टीका करताना सत्यमेव जयते अस म्हंटल होत. त्यानंतर उर्मिला मातोंडकर यांनी ट्विटरच्या माध्यमातून फडणवीसांना डिवचलं आहे. अभिनंदन! ‘लोकशाही’ वाचली, पण अध्यक्ष महोदय याच महाराष्ट्रात गेल्या वर्षभरापासून राज्यपाल नियुक्त १२ आमदारांची नियुक्तीच होत नाही आहे, त्यावरही शोभेकरता का असेना कधीतरी आवाज उठवा असे त्यांनी म्हंटल.

अभिनंदन!आनंद आहे “लोकशाही” वाचली याचा..
पण अध्यक्षमहोदय याच महाराष्ट्रात गेल्या वर्षभरापासुन राज्यपाल नियुक्त १२ आमदारांची नियुक्तीच होत नाही आहे त्यावरही शेभेकरता का असेना कधीतरी आवाज उठवा.इथे फक्त ५०लाख नाही तर महाराष्ट्राच्या तमाम १२करोडपेक्षा जास्त जनतेच्या हक्काचा प्रश्न आहे https://t.co/mMu0IjbKnj

— Urmila Matondkar (@UrmilaMatondkar) January 28, 2022

यासंदर्भात उर्मिला मातोंडकर यांनी ट्विट केले आहे. “अभिनंदन!आनंद आहे ‘लोकशाही’ वाचली याचा…पण अध्यक्ष महोदय याच महाराष्ट्रात गेल्या वर्षभरापासून राज्यपाल नियुक्त 12 आमदारांची नियुक्तीच होत नाही आहे, त्यावरही शेभेकरता का असेना कधीतरी आवाज उठवा. इथे फक्त 50 लाख नाही तर महाराष्ट्राच्या तमाम 12 करोडपेक्षा जास्त जनतेच्या हक्काचा प्रश्न आहे”, असे ट्विट करत उर्मिला मातोंडकर यांनी देवेंद्र फडणवीस यांना टोला लगावला आहे.

सर्वोच्च न्यायालयाचा निर्णय लोकशाही वाचविणारा आहे. हा ऐतिहासिक निकाल दिल्याबद्दल सर्वोच्च न्यायालयाचे मन:पूर्वक आभार! या निकालाचे आम्ही स्वागत करतो, असे देवेंद्र फडणवीस यांनी म्हटले आहे. मविआ सरकारच्या कृतीवर सर्वोच्च न्यायालयाने जोरदार थप्पड लगावली आहे.