हॅलो बॉलिवूड ऑनलाईन। महाराष्ट्राची हास्यजत्रा या कार्यक्रमाच्या माध्यमातून प्रकाशझोतात आलेली वनिता खरात अफलातून कलाकार आहे. त्यामुळे तिचा स्वतःचा प्रचंड मोठा चाहता वर्ग आहे जो तिच्यावर भरभरून प्रेम करतो. आज वनिता खरात ही मराठी मनोरंजन विश्वातील एक प्रसिद्ध सेलिब्रेटी झाली आहे. त्यामुळे तिची एक झलक पाहण्यासाठी चाहते नेहमीच आतुर असतात. अलीकडेच वनिताने तिचा मित्र सुमितसोबत लग्नगाठ बांधली आणि ती मिसेस लोंढे झाली. तिच्या प्री वेडींग शूटपासून लग्नापर्यंत सर्व फोटो आणि व्हिडीओ चांगलेच चर्चेत राहिले. यानंतर आता तिच्या पहिल्या सणाची जोरदार चर्चा आहे.
लग्नानंतर वनिता आणि सुमित यांची ही पहिलीच होळी. त्यामुळे हा सण उत्साहात साजरा करायचा हे त्यांच्या मनात होतं. त्यामुळे वनिता आणि सुमित दोघांनीही हा होळीचा सण दणक्यात साजरा केला आणि यासाठी हे दोघे वनीच्या चाळीत गेले होते. यावेळी आपल्या लाडक्या वनिताला पाहण्यासाठी चाळीतल्या लोकांनी मोठी गर्दी केली होती. यावेळी वनिता आणि सुमित या नवविवाहित जोडप्याने होळीची पूजा केली आणि मनोभावे प्रार्थना केली. या सोहळ्याचे फोटो तिने सोशल मीडियावर शेयर केले आहेत. यामध्ये वनितासोबत तिचा पती सुमित आणि मागे सर्व चाळकरी जमलेले दिसत आहेत.
याशिवाय वनिता आणि सुमित यांनी दादर येथील शिवाजी पार्क येथे धुळवडीचा आनंद लुटला. एकमेकांच्या प्रेमाच्या रंगात बुडालेल्या दोघांनीही रंग खेळत सणाचा आनंद लुटला. त्यांनी हे सुंदर फोटो सोशल मीडियावर शेअर केले आहेत. त्यांचे हे लग्नानंतरच्या पहिल्या होळीचे फूट सोशल मीडियावर तुफान व्हायरल होत आहेत.
या फोटोंमध्ये सुमित आणि वनिताच्या चेहऱ्यावरील आनंद अगदी मनोवेधी आहे. वनिता आणि सुमित यांनी २ फेब्रुवारी २०२३ रोजी एकमेकांसोबत लग्नगाठ बांधली आणि साताजन्माची वचन घेतली. त्यांच्या लग्नाचे फोटो तसेच व्हिडीओ सोशल मीडियावर प्रचंड व्हायरल झाले होते.
Discussion about this post