हॅलो बॉलिवूड ऑनलाईन। छोट्या पडद्यावर कॉमिक रिऍलिटी शोमध्ये सोनी मराठीच्या ‘महाराष्ट्राची हास्यजत्रा’ या कार्यक्रमाने यशाची मोठी झेप घेतली आहे. हा कार्यक्रम सध्या आघाडीच्या आणि लोकप्रिय कार्यक्रमांच्या यादीत नंबर एक मानला जातो. या शोच्या माध्यामातून अनेक कलाकारांनी प्रेक्षकांना खळखळून हसवलं. यामध्ये अभिनेत्री वनिता खरातने स्वतःच्या अभिनयाची एक वेगळीच छाप प्रेक्षकांवर सोडली आहे. विविध पात्र साकारून तिने नेहमीच प्रेक्षकांना हसवलं आहेए. तीच वनी आता मोठ्या पडद्यावर आपल्या भेटीला येत आहे. याबाबत माहिती देणारी पोस्ट तिने शेअर केली आहे.
अभिनेत्री वनिता खरात हि बॉलिवूडचा गाजलेला चित्रपट ‘कबीर सिंग’नंतर आता मराठी चित्रपटातून प्रेक्षकांच्या भेटीला येत आहे. आपल्या आगामी चित्रपटाचे पोस्टर शेअर करत तिने याबाबत माहिती दिली आहे. अधिकृत सोशल मीडिया हॅण्डलवरून वनिताने ‘सरला एक कोटी’ या आगामी मराठी चित्रपटाचे पोस्टर शेअर केले आहे. सोबत कॅप्शनमध्ये लिहिले आहे कि, ‘डाव लागलाय मोठा.. काही लागणा मेळ…येडं झालंय गाव सारं…सुरू झालाय खेळ… भाबड्या लोकांची डांबरट गोष्ट… ‘सरला एक कोटी’ २० जानेवारीपासून चित्रपटगृहात! #सानवी_प्रॉडक्शन हाऊस प्रस्तुत, सत्य घटनेवरून प्रेरित…’
‘सरला एक कोटी’ हा चित्रपट येत्या वर्षात २० जानेवरी २०२३ रोजी चित्रपटगृहात प्रदर्शित होणार आहे. या चित्रपटाची कथा, पटकथा आणि दिग्दर्शन नितीन सिंधुविजय सुपेकर यांनी केले आहे. मुख्य या चित्रपटातील मुख्य भूमिकेत हास्यजत्रा फेम ओंकार भोजने दिसणार आहे आणि त्याची सरला म्हणून आपल्या भेटीला ईशा केसकर येणार आहे.
या चित्रपटात वनिता खरातशिवाय छाया कदम, कमलाकर सातपुते, रमेश परदेशी, सुरेश विश्वकर्मा, विजय निकम, अभिजीत चव्हाण, यशपाल सरताप, जतीन ईनामदार, महेंद्र खिल्लारे, रमाकांत भालेराव, कपिल कांबळे, शाम मते, शुभम खरे, योगेश इरतकर, अभिलाषा पॉल हे कलाकार अन्य महत्वाच्या भूमिकेत दिसणार आहेत.
Discussion about this post