हॅलो बॉलिवूड ऑनलाईन। नुकताच शुक्रवारी बॉलिवूड अभिनेता विकी कौशल आणि अभिनेत्री सारा अली खान यांचा ‘जरा हटके जरा बचके’ हा सिनेमा थिएटरमध्ये प्रदर्शित झाला आहे. या सिनेमाच्या प्रदर्शनानंतर प्रेक्षकांनी या चित्रपटातील विकी साराच्या केमिस्ट्रीला चांगली पसंती दिल्याचे दिसून आले आहे. या चित्रपटातील गाण्यांनाही सोशल मीडियावर तितकंच प्रेम मिळत आहे. या चित्रपटातील ‘बेबी तुझे पाप लगेगा’ आणि ‘और क्या चाहिये’ या गाण्यावरील रिल्स तुफान व्हायरल होत आहेत. नुकताच टांझानियाच्या किली पॉलनेही या चित्रपटातील एका गाण्यावर रील व्हिडीओ शेअर केला आहे.
टांझानियाचा प्रसिद्ध रील स्टार किली पॉल हा नेहमीच भारतीय गाण्यांवर विविध रिल्स बनवतो आणि शेअर करताना दिसतो. किली आणि त्याची बहीण निमा पॉल हे सोशल मीडियावरील आकर्षण आहेत. नुकताच किली पॉलने विकी कौशल आणि सारा अली खान यांच्यावर चित्रित झालेल्या ‘तू है तो मुझे फिर और क्या चाहिये..?’ या गाण्यावर रील बनवून शेअर केला आहे. या गाण्यावर रील बनवताना त्याने पांढरा कुर्ता आणि त्यावर जॅकेट परिधान करत ड्रेसिंगने लक्ष वेधून घेतले आहे. त्याच्या या ड्रेसिंग आणि रिलची विकीनेही दखल घेत एक स्टोरी शेअर केली आहे.
रील स्टार किलीने ‘जरा हटके जरा बचके’ या चित्रपटातील ‘तू है तो मुझे और क्या चाहिये’ या गाण्यावर लिप्सिंग करतानाचा एक व्हिडीओ पोस्ट केला आहे. यावेळी पहिल्यांदाच तो कुर्ता आणि जॅकेट अशा वेगळ्या वेशभूषेत दिसला आहे. या रीलची दखल अभिनेता विकी कौशलनेही घेतली आहे आणि त्याने आपल्याला हि रील आवडल्याचे म्हटले आहे. विकी कौशलने त्याच्या अधिकृत सोशल मीडिया हॅण्डल इंस्टाग्रामवर स्टोरी शेअर करत लिहिले आहे कि, ‘तुला खूप खूप प्रेम किली… आणि तुला हा कुर्ता आणि आणि हा पारंपरिक लूक खूप शोभून दिसत आहे’.
Discussion about this post