हॅलो बॉलिवूड ऑनलाईन। सध्या सोशल मीडियावर जिकडे तिकडे ‘बॉईज ३’ या चित्रपटाची चर्चा आहे. बॉईज आणि बॉईज २ च्या भरघोस यश प्राप्तीनंतर निर्मात्यांनी बॉईज ३ हा चित्रपट प्रदर्शित केला आहे. गेल्या शुक्रवारी १६ सप्टेंबर रोजी हा चित्रपट प्रदर्शित झाला असून या विकेंडला चित्रपटाने बॉक्स ऑफिसवर ३.५ करोड इतकी कमाई केली आहे. या चित्रपटातील मुख्य अभिनेत्रीच्या भूमिकेत ‘जीव झाला येडापीसा’ फेम अभिनेत्री विदुला चौगुले दिसत आहे. यामध्ये तिने साकारलेली भूमिका प्रेक्षकांच्या चांगलीच पसंतीस उतरली आहे. यासह तिने सोशल मीडियावर शेअर केलेलं फोटोशूटसुद्धा चांगलंच व्हायरल होताना दिसतंय.
अभिनेत्री विदुला चौगुले हिने अधिकृत सोशल मीडिया हॅण्डल इंस्टाग्रामवर हे नवं फोटोशूट शेअर केलं आहे. यामध्ये विदुलाने नव्या काळातील नव्या ट्रेंडनुसार पेहराव केल्याचे दिसत आहे. या फोटोशूटमध्ये विदुलाने ऑफ व्हाईट रंगाचा कोट आणि पॅन्ट परिधान केली आहे. पण यासोबत तिने अतिशय लक्षवेधी असा भरलेला नेकपीस परिधान केलाय. सोबतच उजव्या हाताच्या बोटात अंगठी देखील परिधान केली आहे. तिचा हा सेमी एथनिक लूक चाहत्यांना भावला आहे. हे फोटोशूट शेअर केल्यापासून यावर नेटकऱ्यांच्या प्रतिक्रियांचा पाऊस पडतो आहे.
विदुलाच्या या क्लासी अंदाजाचं तिचे चाहते आणि अन्य नेटकरी भरभरून कौतुक करत आहेत. एका नेटकऱ्याने यावर ‘हार्ड ना..’ अशी कमेंट केली आहे. तर अन्य एकाने लिहिले आहे कि, ‘माईंड ब्लोईंग’. याशिवाय कुणी तिला गॉर्जिअस म्हणतंय तर कुणी तिला क्युटिपाई म्हणताना दिसत आहे. अनेकांनी या फोटोवर हार्ट इमोजी आणि फायर इमोजी शेअर करीत आपली पसंती दर्शवली आहे. अभिनेत्री विदुला चौगुलेबद्दल सांगायचं झालं तर, तिला खरी प्रसिद्ध मालिका क्षेत्रातूनच मिळाली. कारण कलर्स मराठीच्या गाजलेल्या ‘जीव झाला येडापीसा’ या मालिकेत तिने साकारलेली जिगरबाज सिद्धी सगळ्यांच्या लक्षात राहिली आहे.
Discussion about this post