हॅलो बॉलिवूड ऑनलाईन। झी मराठीवरील अत्यंत लोकप्रिय कॉमिक शो ‘चला हवा येऊ द्या’चा एकदा का नाद लागला कि पुन्हा काही बोलायचं कामचं नाही. या शोच्या माध्यमातून भाऊ कदम, कुशल बद्रिके, श्रेया बुगडे, भारत गणेशपुरे, सागर कारंडे यासारखे अवली कलाकार अगदी पोटात दुखेपर्यंत हसवतात. सगळं टेन्शन विसरून हा शो बघावासा वाटतो. अनेक लोक या शोवर अतिशय भरभरून प्रेम करतात. या शोमध्ये अनेक मराठी आणि बॉलिवूड इंडस्ट्रीतील कलाकार देखील आपल्या आगामी चित्रपट, मालिका, वेब सिरीजचे प्रमोशन करण्यासाठी येत असतात. सध्या बॉलिवूड अभिनेत्री विद्या बालनला या शोचा करारा फिव्हर चढल्याचे दिसत आहे.
चला हवा येऊ द्या’च्या मंचावर आजपर्यंत अनेक सेलिब्रिटी आले. यातील काही मराठी होते, काही बॉलिवूडचे होते तर काही टॉलीवूड्चेसुद्धा होते. या मंचावर येऊन गेलेल्या सेलिब्रिटीला या शोचा चस्का लागला नाही तर नवलंच. सध्या सोशल मिडीयावर अभिनेत्री विद्या बालनचा एक व्हिडीओ चांगलाच व्हायरल होत आहे. ज्यामध्ये विद्या चला हवा येऊ द्या’ या कॉमिक शोमधील एका मजेशीर प्रसंगावर लिपसिंग करताना दिसते आहे. विद्याने हा मजेशीर व्हिडीओ बनवून सोशल मिडीयावर शेअर केला आहे. जो चांगलाच व्हायरल होतो आहे.
विद्याने शेअर केलेल्या या व्हिडिओवर अनेक नेटकऱ्यांनी विविध प्रतिक्रिया दिल्या आहेत. एका नेटकऱ्याने लिहिले आहे कि, ‘समजलं नाही पण ऐकून भारी वाटलं’. याशिवाय आणखी एका नेटकऱ्याने लिहिले आहे कि, तुम्हाला मराठी येत..? तर अन्य एका नेटकऱ्याने लिहीले आहे कि, ‘ह्यो लई वरचा क्लास आहे.’ तसेच आणखी एकाने लिहिले आहे कि, ‘ओहो एकदम मस्त मॅम’. याशिवाय आणखी एका नेटकऱ्याने लिहिले आहे कि, ‘खूप म्हणजे खूपच मजेशीर.. माझं हसणं थांबतच नाहीये.’
Discussion about this post