हॅलो बॉलिवूड ऑनलाईन। बिग बॉसच्या घरात बहुतेकवेळा ह्याची त्याची भांडण आपण पहिली असतील. पण कधी कधी स्पर्धक अगदी दिलखुलासपणे मजा देखील करताना दिसतात. अशीच मजा मस्ती, मस्करी यावेळी चक्क अपूर्वा नेमळेकर आणि विकास सावंत मध्ये पहायला मिळाली. काल परवा पर्यंत भांडणारे विकास आणि अपूर्व आज चक्क गोडी गुलाबीने राहत आहेत. याच अनेकांना नवल वाटलं. अलीकडेच विकास आणि किरण माने यांची यारी तुटली आणि मग विकास एकटा पडेल असे प्रेक्षकांना वाटू लागले होते. यानंतर आता अपूर्वाशी त्याची मैत्री जुळतेय हे पाहून सगळ्यांना चांगलं वाटत आहे.
नेहमी राडा घालणारी अपूर्व नेमळेकर यावेळी विकासासोबत एका वेगळ्या अंदाजात दिसली आणि तिचा हा अंदाज प्रेक्षकांना भावला आहे. काही दिवसांपूर्वी विकास आणि अपूर्वामध्ये काही मस्करीच्या गप्पा रंगल्या होत्या. त्याचा प्रोमो प्रचंड व्हायरल झाला होता. यामध्ये अपूर्वा म्हणाली होती कि, ‘विकास मित्रा मला खात्री आहे एक दिवस टास्कमध्ये तू मला पण उचलशील. या घरात कुठलाही पुरुष उचलू नाही शकला, तरी तू मला उचलशील… ज्याअर्थी तू माझी बॅग उचलीस त्याअर्थी…’. यावर विकासने लगेच म्हटले होते कि, ‘मला पण वाटतं आहे…’ त्यावर अपूर्वाने विकासाला मजेशीर उत्तर दिले आणि म्हणाली, ‘पण हि संधी मी तुला देणार नाही.’
यानंतर बुधवारी प्रसारित झालेल्या भागात या गप्पांचा परिणाम पहायला मिळाला. या भागात विकास सावंत चक्क अपूर्वा नेमळेकरला उचलून घेत होता. विकासने त्याच्या परीने पूर्ण प्रयत्नही केला. यामध्ये अपूर्वा विकासला म्हणते, ‘चल.. उचल मला..’ त्यावर विकास जाऊन थेट तिला उचलायला लागतो. मग यावर पुन्हा अपूर्वा म्हणते.. ‘ए भाई विकास.. मला उचलण्याएवढी अपूर्वा नेमळेकर अजून स्वस्त झालेली नाहीये’. यानंतर काय तर अपूर्वा थेट विकासच्या अंगावरच बसते आणि म्हणते, ‘आता हललास तर बघ’. विकास आणि अपूर्वमधली हि मजा मस्ती पाहून घरातील इतर सदस्य अचंबित तर झालेच आहेत. शिवाय प्रेक्षकांनाही कौतुक वाटत आहे.
Discussion about this post