हॅलो बॉलिवूड ऑनलाईन। बिग बॉस मराठीच्या घरात नुकतेच वाईल्ड कार्ड एंट्री म्हणून ४ माजी स्पर्धक चॅलेंजर्स होऊन आले आहेत. यामध्ये ड्रामा क्वीन राखी सावंत, बिग बॉस सीजन ३’चा विजेता विशाल निकम, बिग बॉस मराठी सीजन ३ मधली गाजलेली स्पर्धक मीरा जगन्नाथ आणि आरोह वेलणकर यांचा समावेश आहे. राखीने घरात पाय ठेवल्यापासूनच ती वेगळ्याच जोशात आहे. इथे फक्त माझी मर्जी चालणार म्हणत तिने दंगा घालायला सुरुवात केली आहे. नुकतेच तिच्यात आणि घरातील सदस्य तेजस्वी लोणारीमध्ये खटके उडले. यानंतर आता तिची विशाल निकांसोबत जुंपली.
राखी आहे तर राडा होणार यात काही वादच नाही. नुकताच कलर्स मराठीच्या अधिकृत पेजवरून शेअर करण्यात आलेल्या प्रोमोमध्ये आपण राखी आणि विशाल मधलं कोल्ड वॉर सुरु झाल्याचे पाहू शकतो. हा वाद आज बघायला मिळणार आहे. या प्रोमोमध्ये विशाल आणि राखी मध्ये शाब्दिक भांडण झाल्याचे दिसत आहे. यात राखी मस्त आदेश सोडते कि, ‘बिग बॉस माझी कॉफी पाठवा आता’. यावर विशाल म्हणाला, ‘तुमच्या बोलण्याने डिस्टर्ब होत आहेत सर्व, झोपा…’, मग राखीच म्हणते कि, ‘तू झोप मला सांगू नकोस … ‘ यावर विशाल चिडतो आणि म्हणतो कि, ‘अरेरावी नका करू इथे …’, तर राखी म्हणते, ‘माझी मर्जी … ‘,यावर विशाल म्हणतो, ‘मर्जी सगळीकडे नाही चालणार … महाराणी कुठली’..
खरंतर या वादाची सुरुवात अमृता धोंगडे आणि राखीच्या संभाषणातून झाली. अमृता आणि विशाल बोलत असताना राखीने अमृताला, ‘तुला झोपायचं नाहीये का..? तुला नाचायचंय..? लाईट बंद झाले ना.?’, असे म्हटले आणि मग अमृता चिडली. यानंतर मला नाही झोपायचं इतक्यात म्हणून तिने आणखीच राखीला डिवचलं. मग राखीची झोप गेली आणि तिने ठरवलं कि यांनाही त्रास द्यायचाच. म्हणून संतापलेली राखी तिच्या खऱ्या अवतारात आली. या संभाषणात विशालने उडी घेतली आणि धावते घोडे अंगावर घेतले. ज्यामुळे त्यांच्यात भांडणं झाली. आता हा वाद आणखी किती वाढतो हे पाहण्याची मजा तर आजच्या भागात आहे.
Discussion about this post