हॅलो बॉलिवूड ऑनलाईन। बॉलिवूड सिने विश्वात बिग बॉसच्या माध्यमातून एंटर झालेली चुलबुली शहनाज गिलची फॅन फॉलोइंग तुफान आहे. तसेच बॉलिवूडची हॉट आणि ग्लॅमरस अभिनेत्री सारा अली खान आघाडीच्या अभिनेत्रींपैकी एक आहे. या दोघीही सोशल मीडियावर प्रचंड सक्रिय असतात आणि नेहमीच विविध फोटो, लूक तसेच व्हिडीओ शेअर करून चाहत्यांचे लक्ष वेधून घेत असतात. अलीकडेच ‘देसी वाइब्स विथ शहनाज गिल’ या चॅट शोची लोकप्रियता बघता बघता वाढू लागल्याचे दिसत आहे. या शोमध्ये अनेक सेलिब्रिटी येतात आणि शहनाजसोबत गप्पा मारतात. यावेळी सारा अली खान तिच्या शोमध्ये आली आणि शहनाज आनंदाच्या भरात इतकी वाहिली कि तिने अभिनेत्रीला थेट लीप लॉक किस केलं. आगामी एपिसोडचा प्रोमो सध्या सोशल मीडियावर व्हायरल होतो आहे.
अभिनेत्री सारा अली खान हि नुकतीच शहनाज गिलच्या ‘देसी वाइब्स विथ शहनाज गिल’ या शोमध्ये हजर राहिली होती. या एपिसोडचा प्रोमो साराने आपल्या अधिकृत सोशल मीडिया हॅण्डल इंस्टाग्रामवर शेअर केला आहे. यामध्ये ‘देसी वाइब्स विथ शहनाज गिल’च्या आगामी एपिसोडचामध्ये सारा आणि शहनाज एकत्र धमाल करताना दिसत आहेत. या प्रोमो व्हिडिओची सुरुवात शहनाजपासून होते, जी स्क्रीनवर ‘नॉक- नॉक’ करताना दिसते. काही वेळातच, सारा अली खान पडद्याआडून बाहेर येते आणि चित्रांगदा सिंगचे सुपरहिट गाणे ‘कुंडी मत खड़काओ राजा, सीधा अंदर आओ राजा’ गाण्यास सुरुवात करते.
हे ऐकून शहनाज तोच पडदा ओढून घेते आणि बंद करते. मग दोघी पडद्यामागे जातात आणि जेव्हा शहनाज बाहेर येते तेव्हा म्हणते की माझी सर्व लिपस्टिक गेली. शहनाजचं हे वाक्य ऐकून पडद्यामागे दोघींनी किस केलं असाच अर्थ होत असला तरीही हा एक गमतीचा भाग आहे हे कुणीही सांगेल. शहनाज गिल आणि सारा अली खानची ही मजेशीर केमिस्ट्री पाहून चाहते फार खुश झाले आहेत. तसेच या व्हिडिओवर विविध कमेंट कार्टी या एपिसोडबाबत त्यांनी उत्सुकता दाखवताना म्हटले आहे कि, ‘नॉक नॉक… आम्ही या एपिसोडची वाट पाहत आहोत’.
Discussion about this post