हॅलो बॉलिवूड ऑनलाईन। महाराष्ट्राची हास्यजत्रा फेम अभिनेत्री वनिता खरात या कार्यक्रमातून घराघरात आणि प्रेक्षकांच्या मनामनांत पोहोचली. तिचा हटके अंदाज आणि अचूक कॉमिक टायमिंग तिला प्रकाशझोतात घेऊन आलं. यामुळे तिचा स्वतःचा असा प्रचंड मोठा चाहता वर्ग आहे. जो तिच्यावर खूप प्रेम करतो.
गुरुवारी वनिता खरात तिचा प्रियकर सुमित लोंढे यांच्यासोबत लग्न बंधनात अडकली. तिच्या लग्नात झाडून सगळे जत्रेकरी उपस्थित होते. त्यामुळे लग्नाचा माहोल एकदम कडक झाला होता. यावेळी वनिताने उखाणा घेताना हास्यजत्रेचा आवर्जून उल्लेख केला आहे. तिच्या उखाण्याचा व्हिडीओ सोशल मीडियावर व्हायरल झाला आहे.
वनिता आणि सुमित यांचा लग्न सोहळा भव्य स्वरूपात आणि मोठ्या दिमाखात पार पडला. यावेळी वनिताच्या आणि सुमितच्या चेहऱ्यावरील आनंद त्यांचं एकमेकांवर असणारं प्रेम अगदी स्पष्ट दिसून येत होत. स्वतःच्या लग्नात स्वतःच कल्ला करणाऱ्या या जोडप्याच्या लग्न विधींचे आणि सोहळ्याचे फोटो तसेच व्हिडीओ सोशल मीडियावर सध्या ट्रेंडिंगमध्ये आहेत. सोशल मीडियावर सुमितवनी असा हॅशटॅग भारी ट्रेंड होतो आहे. यामध्ये वनिताने सुमितसाठी घेतलेल्या जबरदस्त उखाण्याची भारी चर्चा आहे.
विविध माध्यमांवर हा व्हिडीओ शेअर करण्यात आला आहे. यामध्ये वनिता म्हणतेय कि, ‘टेंशन रिलीज करायला शोधले मी फंडे सतरा, सुमित तूच माझा महाराष्ट्र.. तूच माझी हास्यजत्रा’. यानंतर वनिता एकदम स्वॅगमध्ये आनंद व्यक्त करताना दिसते आहे.तर तिच्या उखाण्यावर तिच्या मित्र मंडळींकडून चांगलीच दाद मिळताना दिसत आहे. सोशल मकीडीयावर हा व्हिडीओ व्हायरल होताच नेटकरी देखील या व्हिडिओला चांगला प्रतिसाद देत आहेत.
Discussion about this post