हॅलो बॉलिवूड ऑनलाईन। बॉलिवूड सिने इंडस्ट्रीत अनेक कलाकार असे आहेत जे प्रेक्षकांचे लाडके आहेत. पण काही कलाकार असे आहेत जे नुसते लाडके नाही तर प्रेक्षकांना त्यांच्याबद्दल आदर वाटतो. यामध्ये दिवंगत अभिनेता इरफान खान, ज्येष्ठ अभिनेते अमिताभ बच्चन, अनुपम खेर अशा दिग्गजांची नावे आवर्जून घेतली जातात. पण याच पंक्तीत आणखी एक नाव घेतले जाते ते म्हणजे अभिनेता नवाझुद्दीन सिद्दीकी. आजतागायत नवाझने साकारलेल्या प्रत्येक भूमिकेवर प्रेक्षकांनी प्रेम केलं. पण आगामी काळात तो साकारत असेलली ट्रान्सजेंडरची भूमिका तो ज्या पद्धतीने अंगिकारतोय ते पाहून प्रेक्षक त्याच्यावर प्रेमाचा वर्षाव करत आहेत.
नुकताच झी स्टुडिओजने ‘हड्डी’ या आगामी चित्रपटातील नवाझचा ट्रान्सजेंडर लूक वेगळ्या पद्धतीने शेअर केला आहे. नवाझ साकारत असलेली हि भूमिका प्रचंड वेगळी, आव्हानात्मक आणि लक्षवेधी आहे. या भूमिकेतून तो एका वेगळ्या समाजाचे प्रतिनिधित्व करताना दिसणार आहे आणि त्यामुळे हि एक जबाबदारी आहे. या सिनेमातील त्याचा फर्स्ट लूक सोशल मीडियावर प्रचंड व्हायरल झाल्यानंतर आता आणखी एक फोटो शेअर करण्यात आला आहे. ज्यामध्ये नवाझ भूमिकेतील वेशात दिसतो आणि त्याच्यासोबत इतर ट्रान्सजेंडर वर्ग दिसतोय. हा फोटो अतिशय लक्षवेधी आणि इंटरेस्टिंग आहे.
हा फोटो सोशल मीडियावर व्हायरल झाल्यानंतर नवाझवर प्रेक्षक भरभरून कौतुकाचा वर्षाव करत आहेत. अंगावर साडी, कपाळावर बिंदी, ओठांवर डार्क लिपस्टिक, मोकळे केस असा काहीसा नवाझचा लूक आहे. यामध्ये तो नवाझ असल्याचे ओळखणे फार मुश्किल झाले आहे. या लुकला त्याने इतकं आत्मसाद केलं आहे कि भूमिकेशी त्याचा आत्मा जोडला गेला आहे. याविषयी बोलताना नेटकऱ्यांनी एक अभिनेता म्हणून नवाझचे भरभरून कौतुक केले आहे. एकाने म्हटले आहे कि, ‘ भूमिका कोणतीही असो ती कशी उत्तम साकारायची आणि कशी लोकांपर्यंत पोहोचवायची हे तुला उत्तम जमतं.’ तर अन्य एकाने लिहिले आहे कि, ‘मी तर ओळखूच शकलो नाही कि हा मुलगा आहे.. कमाल दिसतोयस.’ तर अन्य एकाने लिहिले आहे कि, ‘ अशा युनिक भूमिका साकाराव्या तर फक्त तूच.’
Discussion about this post