हॅलो बॉलिवूड ऑनलाईन। सध्या बॉलिवूडमध्ये सर्वाधिक चर्चेत काही असेल तर जुनिअर कपूरचं आगमन. अभिनेत्री आलिया भट्ट आई होणार हि बातमी कळल्या[पासूनच सोशल मीडियावर नुसता आनंदी आनंद आहे. तिचे चाहते आणि रणबीरचे चाहतेसुद्धा त्यांच्यासाठी प्रचंड खुश आहेत. नुकतेच आलियाचे डोहाळे जेवण अगदी पारंपरिक पद्धतीने आणि दणक्यात पार पडले. या कार्यक्रमाचे काही फोटो सोशल मीडियावर व्हायरल झाले आहेत. ज्यामध्ये आलियाने पिवळ्या रंगाचा पंजाबी सूट घातल्याचे दिसत आहे. तर रणबीरने शेरवानी. या फोटोंमध्ये आलियाच्या चेहऱ्यावरील आईपणाचा आनंद ओसंडताना दिसतोय.
या कार्यक्रमासाठी आलिया आणि रणबीरचे जवळचे नातेवाईक आणि मित्र मंडळी उपस्थित होती. रणबीरची सख्खी चुलत बहिण करिश्मा कपूरदेखील या डोहाळे जेवणाच्या कार्यक्रमाला उपस्थित होती. करिश्माने या कार्यक्रमातील एक फोटो सोशल मीडियावर शेअर केला आहे. ज्यामध्ये ती आलिया- रणबीरसोबत दिसते आहे. आलिया भट्टची सख्खी नणंद रिद्धिमा कपूर सहानी देखील या डोहाळे जेवणाच्या कार्यक्रमात मस्त धमाल करताना दिसली आहे. हा कार्यक्रम एकदम हटके पद्धतीने आयोजित करण्यात आला असल्याचे समजत आहे.
आलियाच्या डोहाळे जेवणाला निर्माता- दिग्दर्शक करण जोहरसुद्धा होता. कारण करण आणि आलियामध्ये खूपच छान मैत्रीचे नाते आहे. करणनेसुद्धा आपल्या इंस्टास्टोरीत आलिया- रणबीरसोबतचा डोहाळे जेवणाच्या कार्यक्रमातला फोटो शेअर केला होता. यावेळी आलियाची बहिण शाहीन भट्ट आणि तिच्या खास मैत्रिणी देखील सामिल झाल्या होत्या. तर रणबीरची बहीण रिद्धिमा कपूरदेखील सामील झाली होती. आलियाच्या डोहाळे जेवणाच्या कार्यक्रमाची थीम गर्ल्स गॅंग होती. पण करण जोहर याला अपवाद आहे असे म्हणता येईल. शिवाय रणबीर तर कार्यक्रमाला असायलाच हवा यात काही वादच नाही.
आलियाची आई म्हणजे सोनी राझदान आणि सासू म्हणजे नीतू कपूर यांनी या सोहळ्याचे आयोजन केले होते. यावेळी दोन्ही कुटुंब एकत्र हसताना आणि आनंद वाटताना दिसली. यावेळी आलिया आणि रणबीरने खास फोटोशूट देखील केलं आहे. आलियाने तिच्या इंस्टावर हे खास क्षण शेअर केले आहेत. ज्यामध्ये ती डोळे मिटून देवाचे आशीर्वाद मागताना दिसत आहे.
Discussion about this post