हॅलो बॉलिवूड ऑनलाईन। मराठी मालिका विश्वातील लोकप्रिय चेहरा किरण माने बिग बॉस मराठीतून बाहेर पडल्यानंतर प्रचंड चर्चेत आले आहेत. बिग बॉस नंतर पुढे काय..? असा सवाल प्रेक्षकांना पडलेला असतानाच किरण माने लवकरच एका चित्रपटात दिसणार असल्याचे समोर आले आहे. त्यापूर्वी किरण माने यांचे गोव्यातील काही फोटो समोर आले आहेत. हे फोटो स्वतः किरण माने यांनी शेअर केले आहेत. किरण माने यांचे फोटो नीट पाहिले तर ते मस्त जीवाचा गोवा करताना दिसत आहेत.
अभिनेता किरण माने यांनी आपल्या पोस्टमध्ये गोव्याच्या किनाऱ्यावरील मस्त फोटो शेअर केले आहेत. सोबत कॅप्शनमध्ये लिहिले आहे कि, ‘..गोवा ! प्रसन्न सुर्योदय… भन्नाट, नादखुळा बीच… आणि थोड्याच वेळात लाईट – कॅमेरा – ॲक्शन. एकतर शुटिंगसाठी गोव्यात येणं म्हणजे निव्वळ सुख. त्यात सीन असाय की मी बीचवर बीयर पीत पहुडलोय… मज्जा!” किरण माने यांची हि पोस्ट बाकीच्या पोस्टप्रमाणे सोशल मीडियावर व्हायरल होत आहे. शिवाय त्यांचे चाहते यावर भन्नाट कमेंटदेखील करत आहेत.
किरण माने यांच्या फोटोंवर नेटकऱ्यांनी विविध कमेंट केल्या आहेत. एकाने किरण माने यांच्या कॅप्शनला अनुसरून कमेंट करत लिहिले आहे कि, ‘सिनमध्ये दाखव….पण खरं खूर पिऊ नकोस’. तसेच आणखी एकाने लिहिले आहे कि, ‘नशीब ओ बाकी काय’. तसेच अनेक नेटकऱ्यांनी तसेच चाहत्यांनी किरण माने यांना त्यांच्या आगामी प्रोजेक्ट्साठी भरभरून शुभेच्छा दिल्या आहेत. अनेकांनी लवकरच मोठ्या प्रोजेक्ट्मध्ये किरण माने यांनी असावं अशी इच्छा देखील व्यक्त केली आहे.
Discussion about this post