हॅलो बॉलिवूड ऑनलाईन। जर तुम्ही बिग बॉसचे चाहते असाल तर हि बातमी तुम्हाला आनंद देणारी आहे. कारण बिग बॉसच्या १६ व्या सिजनमध्ये येत्या भागात होणार आहे जनता प्रहार. म्हणजेच आता स्पर्धकांबाबत असणारी तक्रार जनता आमने सामने बसून सांगणार. काही प्रश्न विचारणार.. काही उत्तरं मागणार तर काही आरोप करणार आणि हक्क बजावणार. आता खरी मजा येणार.. नुकतेच सोशल मीडियावर या एपिसोडचे काही प्रोमो शेअर करण्यात आले आहेत. जे पाहून जनतेसमोर स्पर्धकांची कशी बोलती बंद झाली ते तुम्ही पाहू शकता.
कलर्स टीव्हीच्या अधिकृत सोशल मीडिया इंस्टाग्राम हँडलवर काही प्रोमो व्हिडीओ शेअर करण्यात आले आहेत. या प्रोमोंमध्ये जनतेचे काही प्रतिनिधी स्पर्धकांच्या नात्यांवर भाष्य करताना दिसणार आहेत. तसेच काही प्रश्न देखील विचारताना दिसणार आहेत. एका प्रोमोमध्ये हे जनतेचे प्रतिनिधी टिना आणि शालीनच्या घरातील वागण्यावर आणि नात्यावर प्रश्न विचारताना दिसत आहेत. यात शालीन तू नेहमी टिनाच्या मागे मागे का करत असतोस..? आणि टिना गेमसाठी शालीनचा वापर करतेस ना..? या प्रश्नांचा समावेश आहे.
याशिवाय आणखी एका प्रोमोमध्ये जनता प्रतिनिधी अर्चनाला बोलते कि तू मित्रांचा पाठिंबा मागतेस पण तू कुणाचीच सख्खी नाहीयेस… यावर अर्चना सगळ्यांनाच साप आणि नेवला बोलून ते डसतात असं म्हणते. शिवाय आणखी एक प्रतिनिधी टिनाला म्हणतो कि, तू नेहमीच कुणाशीही मैत्री करताना स्वतःचा फायदा राखून करतेस. तर टीना म्हणते हो करते कारण हा गेम आहे आणि मी गेम खेळतेय. यात सलमान मध्येच बोलतो कि याचा अर्थ तू शालीनसोबत पण गेम खेळते आहेस का..? तर एकंदरच विकेंड का वार एकदम धमाकेदार असणार आहे. बोले तोह खुल्ला राडा. त्यामुळे हे एपिसोड अजिबात चुकवू नका.
Discussion about this post