हॅलो बॉलिवूड ऑनलाईन। छोट्या पडद्यावरील लोकप्रिय अभिनेत्री श्वेता राजन तिच्या अभिनयासाठी तसेच उत्तम नृत्य शैलीसाठी नेहमीच चर्चेत असते. झी मराठीवरील लोकप्रिय ठरलेल्या मालिका ‘राजा राणीची जोडी’ आणि ‘मन झालं बाजींद’मधून तिने अव्वल भूमिका साकारत प्रेक्षकांच्या मनावर छाप पाडली होती. ‘मन झालं बाजिंद’ या मालिकेत ती मुख्य भूमिकेत होती. मालिका संपल्या तरीही श्वेता सोशल मीडियावर सक्रिय असल्यामुळे चाहत्यांच्या संपर्कात असते. ती नेहमीच विविध फोटो, व्हिडिओ शेअर करून चाहत्यांचे लक्ष वेधून घेत असते. आताही तिचे साडीतील काही फोटो व्हायरल झाले आहेत. ज्यावर नेटकऱ्यांनी अगदी पातळी सोडून कमेंट केल्या आहेत.
अभिनेत्री श्वेता राजनने तिच्या अधिकृत सोशल मीडिया हॅण्डल इंस्टाग्रामवर निळ्या रंगाची साडी नेसलेला एक फोटो शेअर केला होता. या फोटोवर अनेकांनी अनेक कमेंट केल्या आहेत. एका महिला युजरने या फोटोवर कमेंट करत लिहिलंय कि, ‘अजून खाली नेस बाई’. यावर श्वेताने प्रतिक्रिया देत लिहिलं, ‘नको काकू ती तुमची स्पेशालिटी आहे, तुम्हीच नेसा. आय लव्ह यू काकू’. या महिलेच्या कमेंटवर श्वेताचा मालिकेतील सहकलाकार मित्र वैभव चव्हाणनेदेखील खोचक प्रतिक्रिया देत म्हटलंय, ‘अगं केसात काकूंसारखं एक फूल लावलं असत तर त्यांना नक्कीच आवडला असता फोटो.. सुंदर दिसते आहेस तू… काकू जरा जळत आहेत बाकी काही नाही’.
याशिवाय श्वेताच्या याच फोटोवर आणखी एकाने कमेंट करत लिहिलंय कि, ‘काही दिवसांनी असे लोक तर रस्त्यावर सेक्स करतील लोकांसमोर’. यावरसुद्धा श्वेताने प्रतिक्रिया दिली आहे. तिने लिहिलंय, ‘तुमच्यासारखे म्हणायचं का तुम्हाला? कारण तुमच्या सारख्या विचारसरणीची लोक १०० टक्के करतील No doubt! मला तुमच्या घरातील स्त्रियांबद्दल खूप वाईट वाटतंय आणि तुम्हाला लहान मुलगी सुद्धा आहे. सर जरा तिच्यासाठी तरी सुधारा. तिला मोठं झाल्यावर वडील म्हणायची लाज वाटू नये याची काळजी घ्या’. अशाप्रकारे श्वेताच्या फोटोवर कमेंट करताना काही नेटकऱ्यांनी अक्षरशः लाज सोडली आहे.
Discussion about this post