दिवंगत दाक्षिणात्य अभिनेता पुनीथ राजकुमारला मरणोत्तर कर्नाटक रत्न पुरस्काराने सन्मानित करणार

हॅलो बॉलिवूड ऑनलाईन। दाक्षिणात्य सुपरस्टार पुनीथ राजकुमार यांचे २९ ऑक्टोबर रोजी हृदय विकाराच्या झटक्याने निधन झाले आणि कन्नड सिनेसृष्टीवर शोककळा पसरली. यानंतर आता कर्नाटक सरकारने मंगळवारी (१६ नोव्हेंबर २०२१) अशी घोषणा केली आहे की, दिवंगत दाक्षिणात्य अभिनेता सुपरस्टार पुनीथ राजकुमार यांना मरणोत्तर कर्नाटक रत्न पुरस्काराने सन्मानित करण्यात येणार आहे. कर्नाटकचे मुख्यमंत्री बसवराज बोम्मई यांनी त्यांच्या अधिकृत ट्विटर हँडलवरून ही घोषणा केली आहे. हा पुरस्कार कर्नाटकचा सर्वोच्च पुरस्कार असून पुनीथ हे कर्नाटक रत्न मिळविणारे १०वे व्यक्ती आहेत. कर्नाटक फिल्म चेंबर ऑफ कॉमर्सच्या एका कार्यक्रमात कर्नाटकच्या मुख्यमंत्र्यांनी हि घोषणा केली. पुनीथ यांना श्रद्धांजली वाहण्यासाठी हा कार्यक्रम ठेवला होता. या कार्यक्रमाचे नाव ‘पुनीथ नामना’ असे ठेवण्यात आले होते.

ಕನ್ನಡನಾಡಿನ ಜನಪ್ರಿಯ ಕಲಾವಿದ ದಿವಂಗತ ಶ್ರೀ ಪುನೀತ್ ರಾಜಕುಮಾರ್ ಅವರಿಗೆ ಮರಣೋತ್ತರ ಕರ್ನಾಟಕ ರತ್ನ ಪ್ರಶಸ್ತಿ ನೀಡಿ ಗೌರವಿಸಲು ರಾಜ್ಯ ಸರ್ಕಾರ ತೀರ್ಮಾನಿಸಿದೆ.

State Government has decided to honour late Sri #PuneethRajukumar with Karnataka Ratna award posthumously.#KarnatakaRatna

— Basavaraj S Bommai (@BSBommai) November 16, 2021

अभिनेता पुनीथ राजकुमार यांचे २९ ऑक्टोबर २०२१ रोजी वयाच्या ४६ व्या वर्षी हृदयविकाराच्या झटक्याने निधन झाले. पुनीथ राजकुमार हे कन्नड सिने चित्रपट सृष्टीतील सुपरस्टार डॉ. राजकुमार यांचा मुलगा होते. अभिनेता राजकुमार यांना एकूण ५ मुले होती. त्यापैकी पुनीथ सर्वात लहान होते. पुनीथ यांचे वडील राजकुमार देखील प्रसिद्ध अभिनेता होते आणि यांनाही १९९२ साली कर्नाटक रत्न पुरस्काराने सन्मानित करण्यात आले होते. त्यांना कवी कुवेंपूसह हा कर्नाटक रत्न पुरस्कार दिला होता. अखेरच्या वेळी हा पुरस्कार डॉ. वीरेंद्र हेगडे यांना २००९ साली समाजसेवेसाठी दिला होता.

RT @TheHinduCinema: Actor #PuneethRajkumar will be posthumously honoured with the #KarnatakaRatna award, Chief Minister Basavaraj Bommai announcedhttps://t.co/WSAcQZF78r

— Mahesh Puttapaka (@maheshcafe) November 17, 2021

कर्नाटक रत्न पुरस्कार हा कर्नाटकचा अत्यंत मोठा आणि मानांकित पुरस्कार आहे. चित्रपट कलाकार यांच्या व्यतिरिक्त, कर्नाटक रत्न हा पुरस्कार राज्यातील अन्य अनेक बड्या आणि प्रतिष्ठित व्यक्तींना मिळाला आहे. यामध्ये राजकारणाशी संबंधित असलेले एस निजलिंगप्पा, शास्त्रज्ञ सी.एन.आर. राव, वैद्यकीय क्षेत्राशी संबंधित डॉ. देवीप्रसाद शेट्टी, संगीत जगताशी संबंधित भीमसेन जोशी, समाज सेवक शिवकुमार स्वामीजी आणि डॉ. जे जावरे गौडा यांनाही कर्नाटक रत्न या पुरस्काराने सन्मानित करण्यात आले आहे.