हॅलो बॉलिवूड ऑनलाईन। बॉलिवूड अभिनेता रणबीर कपूर आणि बॉलिवूड अभिनेत्री आलिया भट्ट यांचा ‘ब्रह्मास्त्र’ हा चित्रपट येत्या ९ सप्टेंबर २०२२ रोजी सर्वत्र चित्रपटगृहांत प्रदर्शित होणार आहे. या चित्रपटामुळे ते दोघेही चर्चेत आहेतच. याशिवाय हे जोडपे त्यांच्या लग्नाबद्दल आणि आलियाच्या प्रेग्नेंसीमुळेही चर्चत आहे. जेव्हापासून आलियाने आपल्या प्रेग्नेंसीबाबत सांगितलं आहे तेव्हापासून ती बेबी बंप हाईड करताना दिसली आहे. यानंतर अखेर ती पहिल्यांदाच बेबी बंप ग्लॅमरस अंदाजात फ्लॉंट करताना दिसली आहे. ब्रह्मास्त्रच्या प्रमोशन इव्हेंटदरम्यानचे हे फोटो सोशल मीडियावर व्हायरल झाले आहेत.
गेल्या अनेक दिवसांपासून शॉर्ट ड्रेस परिधान करणारी अभिनेत्री आलिया भट्ट वेगवेगळ्या ठिकाणी सैल कपड्यांमध्ये दिसली. त्यामुळे प्रत्येकजण म्हणत होता की आलिया बेबी बंप लपवण्यासाठी असे कपडे वापरते आहे. पण आता अभिनेत्री आलिया ने तिचा बेबी बंप सर्वांसमोर फ्लॉंट केला आहे.
यावेळी आलिया पती रणबीर कपूरसोबत त्यांच्या लग्नानंतरच्या पहिल्या चित्रपटाचे प्रोमोशन करण्यासाठी उपस्थित होती. त्यांचा आगामी चित्रपट ‘ब्रह्मास्त्र’ रिलीजच्या वाटेवर आहे. त्यामुळे चित्रपटाचे प्रमोशन जोरदार चालू आहे. त्यामुळे ठिकठिकाणी चित्रपटाचे प्रमोशन सुरु आहे आणि यासाठी आलिया, रणबीर चित्रपटाचे दिग्दर्शक अयान मुखर्जी यांच्यासोबत चित्रपटाच्या गाण्याच्या प्रीव्ह्यू लॉन्चसाठी उपस्थित राहिले होते.
मुख्य म्हणजे या व्हायरल होणाऱ्या फोटोंमध्ये आलियाच्या चेहऱ्यावरील आनंद अगदी स्पष्ट दिसत आहे. इतकंच नाही तर बेबी बंप फ्लॉंट करतानाही ती अतिशय बिंधास्त दिसते आहे. गेल्या काही दिवसांपासून सैल आउटफिटमध्ये दिसणाऱ्या आलियाने अखेर तिचा बेबी बंप फ्लॉंट केलाच. या लॉन्च इव्हेंटसाठी तिने ब्राऊन कलरचा शॉर्ट स्लिम बॉडी फिट ड्रेस परिधान केला होता. यात ती अतिशय सुंदर आणि मुख्य म्हणजे लक्षवेधी वाटत होती. त्यांच्या लग्नानंतर ते दोघे पहिल्यांदाच मीडियाला एकत्र भेटले होते. यामुळे पॅपराझींच्या कॅमेराला मोह आवरला नाही आणि मग रणबीर आलियानेही पोझ दिल्या.
Discussion about this post