हॅलो बॉलीवूड ऑनलाईन । बॉलिवूड अभिनेत्री शिल्पा शेट्टी सोशल मीडियावर बरीच अ‍ॅक्टिव्ह राहिली आहे, पण अलीकडेच या अभिनेत्रीने तिच्या इंस्टाग्राम अकाऊंटवरून एक फोटो शेअर करुन आपल्या चाहत्यांना आश्चर्यचकित केले आहे.शिल्पा शेट्टी आणि राज कुंद्रा यांच्या घरी एका छोट्या परीचे आगमन आहे, जिचे नाव अभिनेत्रीने समीषा शेट्टी कुंद्रा असे ठेवले आहे. शिल्पा शेट्टी यांच्या या पोस्टमुळे एका बाजूला चाहत्यांना आश्चर्याचा धक्का बसलेला दिसत आहे, तर दुसरीकडे ते आनंदीसुद्धा झाले आहेत. शिल्पा शेट्टीच्या इन्स्टाग्राम अकाउंटवर शेअर केलेल्या या फोटोमध्ये या अभिनेत्रीच्या बाळाने आपल्या आईचा हात आपल्या लहान हातांनी धरला असल्याचे दिसून येत आहे. शिल्पा शेट्टी आणि तिची मुलगी समिशाचा हा फोटो खूपच व्हायरल होत आहे.
शिल्पा शेट्टी यांनी आपली मुलगी समिशाचा एक फोटो शेअर केला आहे, ‘ओम गणेशाय नमः आमच्या प्रार्थनांना उत्तर मिळालं. आम्हाला हे सांगायला आनंद होतो की आमच्या घरी एका परीचं आगमन झालं आहे. समीशा शेट्टी कुंद्रा. समीशाचा १५ फेब्रुवारी २०२० ला जन्म झाला. घरात ज्यूनिअर एसएसके आली आहे.’ संस्कृतमध्ये ‘एस’ म्हणजे ‘मीना’ आणि रशियन भाषेत “मी देवाप्रमाणेच.” तुझ्या नावाचा अर्थ “आमची देवी लक्ष्मी” आहे. आमचे कुटुंब आता परिपूर्ण झाले आहे.”शिल्पा शेट्टी आणि राज कुंद्रा यांची मुलगी समीशाचा जन्म सरोगेसीच्या माध्यमातून १५ फेब्रुवारी रोजी झाला होता.
शिल्पा शेट्टी आणि राज कुंद्रा यांनी २००९ मध्ये लग्न केले होते. शिल्पा शेट्टी लवकरच ‘निक्कमा’ आणि ‘हंगामा २’ मध्ये दिसणार आहे.ती ‘निक्कमा’ मध्ये शिर्ले सेतिया आणि अभिमन्यु दासानी सोबत दिसणार आहे, तर ‘हंगामा २’ मध्ये ती अभिनेता परेश रावल आणि मीजन जाफरीसोबत दिसणार आहे.
