हॅलो बॉलीवूड ऑनलाईन । गायक मीका सिंहच्या स्टाफ मेंबर पैकी एक असलेल्या सौम्या जोएब खानने आत्महत्या केली आहे. सौम्याचा मृतदेह मीकाच्या अंधेरी येथील स्टुडिओत ३ फेब्रुवारीला सापडला होता. पोलिसांनी सांगितले की सौम्याने झोपेच्या गोळ्यांचे जास्त प्रमाणात सेवन केले होते ज्यामुळे तीचा मृत्यू झाला. मुंबई मिररच्या वृत्तानुसार, सौम्या नैराश्यात गेली होती. अहवालानुसार, सौम्याचा मृतदेह मीका सिंहच्या अंधेरी पश्चिम येथील मुंबईतील बंगला क्रमांक १९ मध्ये सापडला.
इन्स्पेक्टर पी भोसले म्हणाले की, कौटुंबिक तणाव आणि मतभेदांमुळे सौम्या स्टुडिओच्या पहिल्या मजल्यावर एकटीच राहत होती. रात्री १०:१५ वाजता एक कामगार पहिल्या मजल्यावर गेला असता त्यांना सौम्या जमिनीवर पडलेली दिसली. त्यानंतर सौम्याला तातडीने रुग्णालयात नेण्यात आले पण तोपर्यंत तिचा मृत्यू झाला होता. तो कामगार तळ मजल्यावर होता.
सौम्या यांच्या निधनानंतर मीका सिंहनेही सोशल मीडियावर हे पोस्ट शेअर केले आहे. त्यांनी लिहिले- वाहेगुरू जी दा खालसा वाघगुरु जी का फतेह. मी हे मोठ्या दु: खाने घोषित करीत आहे, आपल्या सौम्याने इतक्या लहान वयातच हे जग सोडले आहे.देव तिच्या आत्म्याला शांती देवो. सौम्या यांचे पती आणि कुटुंबीयांबद्दल मला आत्मीयता आहे.
