हॅलो बॉलीवूड ऑनलाईन । कोरोना विषाणूचा प्रादुर्भाव जगभरात झाला आहे. भारतातही ७४ प्रकरणांची पुष्टी झाली आहे. गुरुवारी कोरोना विषाणूमुळे भारतातील पहिला मृत्यूही झाला आहे. कर्नाटकातील एका ७६ वर्षीय व्यक्तीचा मृत्यू झाला आहे. सर्व लोक सध्या कोरोना विषाणूंमुळे घाबरले आहेत. बॉलिवूड सेलिब्रिटीसुद्धा जनतेला सुरक्षित रहा असा संदेश देत आहेत. बॉलिवूडचे शहेनशहा अमिताभ बच्चन यांनी कोरोना विषाणूवर एक कविता लिहिली आहे.
अमिताभ बच्चन यांनी सोशल मीडियावर एक व्हिडिओ शेअर केला आहे. ज्यामध्ये ते लोकांना कोरोनाशी दृढतेने लढा देण्यास आणि खबरदारी घेण्यास सांगत आहे. हा संदेश देण्याबरोबरच अमिताभ बच्चन कोरोनावर लिहिलेली कविता देसी स्टाईलमध्ये म्हणताना दिसत आहेत.
T 3468 – Concerned about the COVID 19 .. just doodled some lines .. in verse .. please stay safe .. 🙏 pic.twitter.com/80idolmkRZ
— Amitabh Bachchan (@SrBachchan) March 12, 2020
अमिताभ बच्चन म्हणतात, लोक बरेच उपचार सांगतात. कोणाचे ऐकावे,कोणाचे नाही कोणी सांगावे.आता,काही म्हणतात कालोंजी पेसो, तर म्हणतात आमला रस. कोणी म्हणतो की घरात बसून रहा हालचाल करू नका. इर म्हणतो आणि बीर म्हणतो की असं काहीही करु नकोस. साबणाशिवाय हात धुवू नका आणि कोणालाही स्पर्श करू नका. आम्ही म्हणालो की आम्ही सांगू त्याप्रमाणे आम्ही करू. चला, येऊ द्यात कोरोना-वरोनाला त्याला ठेंगा दाखवू.
कोरोना विषाणूमुळे दिल्लीतील सर्व चित्रपटगृहे ३१ मार्चपर्यंत बंद आहेत. इतकेच नाही तर अक्षय कुमारच्या आगामी चित्रपटाची रिलीज डेट २४ मार्चपासून वाढवण्याचा निर्णय घेण्यात आला आहे. अद्याप कोणतीही नवीन तारीख दिलेली नाही. सूर्यवंशी व्यतिरिक्त अनेक चित्रपटांच्या प्रदर्शनाची तारीखही पुढे जाण्याची शक्यता आहे.
