हॅलो बॉलिवूड ऑनलाईन। बॉलीवूड सिनेइंडस्ट्रीचा खिलाडी भारतात अभिनेता अक्षय कुमार गेल्या काही काळापासून फ्लॉप चित्रपटांचा मानकरी ठरला आहे. ज्यामुळे कुठे ना कुठे त्याची जादू कमी होऊ लागली का काय..? असे वाटू लागले आहे. असे असले तरीही अक्षय कुमारचा स्वतःचा एक चाहता वर्ग आहे जो नेहमीच त्याच्याबद्दल जाणून घेण्यासाठी उत्सुक असतो आणि त्याच्याबद्दल चर्चा करताना दिसतो. दरम्यान अक्षय कुमारने मंगळवारी केदारनाथ मंदिराला भेट दिली. या मंदिरातील अक्षयचे काही फोटो आणि व्हिडीओ सोशल मीडियावर तुफान व्हायरल होत आहेत. त्यामुळे अक्षय कुमार पुन्हा एकदा चर्चेत आला आहे.
#WATCH | Rudraprayag, Uttarakhand: Bollywood actor Akshay Kumar visited Baba Kedarnath temple today and offered prayers. pic.twitter.com/0KLkYSF8Cz
— ANI UP/Uttarakhand (@ANINewsUP) May 23, 2023
सोशल मीडियावर व्हायरल होणाऱ्या व्हिडिओमध्ये अभिनेता अक्षय कुमार केदारनाथ मंदिरातून बाहेर पडताना दिसतो आहे. यावेळी त्याच्या कपाळावर भगव्या रंगाचे गंध लेपन अन त्यावर पिवळ्या रंगाचे गंध लावल्याचे दिसत आहे. महादेव केदारनाथांचे दर्शन घेतल्यानंतर अक्षय कुमारने मंदिरातून बाहेर येताना आपले दोन्ही हात जोडून चाहत्यांचे आभार मानले आहेत. सोबतच त्याने हर हर महादेवचा जयघोषही केला आहे. याशिवाय त्याने सोशल मीडियावर मंदिराचा फोटो शेअर करत ‘हर हर शंभो’ गाणे जोडले आहेत. सोबत कॅप्शनमध्ये लिहिले आहे, ‘जय बाबा भोलेनाथ’.
असे म्हटले जात आहे कि, अक्षय कुमार सध्या डेहराडूनमध्ये आपल्या अगामी चित्रपटाचं शूटिंग करत आहे. अक्षयच्या या पोस्टवर त्याचे चाहते ‘हर हर महादेव’, ‘जय बाबा केदारनाथ’, ‘ओम नमः शिवाय’ अशा कमेंट करताना दिसत आहेत. अक्षय कुमारच्या आगामी प्रोजेक्टबदल बोलायचे झाले तर, अक्षय कुमारचा ‘क्या लोगे तुम’ हा म्युझिक व्हिडीओ काही दिवसांपूर्वी लॉंच झाला आहे. या गाण्याला बी प्राकने आवाज दिला आहे. तर आगामी काळात अक्षय कुमारचे ‘ओह माय गॉड’, ‘बडे मियाँ छोटे मियाँ’ आणि ‘कॅप्सूल गिल’सारखे चित्रपट लवकरच आपल्या भेटीला येणार आहेत.
Discussion about this post