हॅलो बॉलिवूड ऑनलाईन। मराठी अभिनेता सुबोध भावे सोशल मीडियावर बराच सक्रिय असतो. ज्यामुळे अनेकदा विविध फोटो, विविध लूक, विविध व्हिडीओ आणि आगामी प्रोजेक्ट्सची माहिती तो सोशल मीडियावरून चाहत्यांना देत असतो. नुकताच त्याने सोशल मीडियावर एक फोटो आणि त्यासोबत एक कॅप्शन लिहीत पोस्ट शेअर केली आहे. यामध्ये सुबोधने आपल्या स्वप्नपूर्तीचा उल्लेख केला आहे. ज्यामुळे त्याची हि पोस्ट सोशल मीडियावर चर्चेचा विषय ठरते आहे.
अभिनेता सुबोध भावे याने अधिकृत सोशल मीडिया हँडलवर एक पोस्ट शेअर केली आहे. यामध्ये त्याने लिहिले आहे कि, ‘एक स्वप्न तुम्ही १३ वर्षे पाहत असता, कधी अशी वेळ येते आणि वाटतं की हे नाही होऊ शकत पूर्ण, पण तेव्हाच काही व्यक्ती भेटतात आणि तुमची स्वप्नपूर्तीच्या दिशेने वाटचाल सुरू होते. धन्यवाद मेधा इनामदार ताई, ऋषिकेश गुप्ते. अतुल केतकर या फोटोत तुला मिस करतोय’. या कॅप्शनसह त्याने एक फोटो शेअर केला आहे. ज्यामध्ये सुबोध स्वत:, मेधा इनामदार आणि ऋषिकेश गुप्ते हे तिघेजण पहायला मिळत आहेत.
दरम्यान सुबोध भावेने शेअर केलेली ही पोस्ट नक्की कशाबद्दल आहे..? असा प्रश्न सगळ्यांनाच पडला आहे. पण स्वप्नपूर्तीचा उल्लेख केल्यामुळे चाहत्यांनी सुबोधसाठी आनंद व्यक्त करीत त्याच्यावर शुभेच्छांचा पाऊस पाडला आहे. त्याच्या या पोस्टने सर्वांचेच लक्ष वेधून घेतले असून हि पोस्ट म्हणजे आगामी काहीतरी नव्या प्रोजेक्टची चाहूल असण्याचीही शक्यता वर्तवली जात आहे. आता नेमकी कोणत्या स्वप्नाची सत्यात उतरण्याची हि वेळ आहे हे जाणून घेण्याच्या प्रतीक्षेत आपण सारेच आहोत.
Discussion about this post