हॅलो बॉलीवूड ऑनलाईन । कोरोनाव्हायरसचा संसर्ग लक्षात घेता विमानतळावर कडेकोट सुरक्षा बंदोबस्त ठेवण्यात आला आहे, तथापि, काही प्रवाशांनाही या मुळे प्रचंड त्रास सहन करावा लागत आहे.अभिनेत्री आलिया भट्टची आई सोनी राजदान यांनी नुकतेच एक ट्विट केले असून ते सोशल मीडियावर जोरदार व्हायरल होत आहे. या ट्विटमध्ये सोनी राजदान यांनी दिल्लीच्या इंदिरा गांधी आंतरराष्ट्रीय विमानतळ (आयजीआय विमानतळ) चा व्हिडिओ शेअर केला आहे. या व्हिडिओमध्ये प्रवासी तेथे उपस्थित कर्मचारी आणि पोलिसांवर ओरडताना आणि त्यांना येथे सुरक्षित वाटत नाही असे सांगत असताना दिसतात.तसेच प्रवासी पोलिसांना स्वत: ला ठार मारण्यास सांगत आहेत.
New Delhi International airport T3 today. Now they are taking the passport of the arriving passengers and not returning them till all the tests are done. Even Indian citizens with Indian passport holders are not allowed to exit. Passengers are screaming at police to kill them. pic.twitter.com/ZpKIGfxpIk
— Soni Razdan (@Soni_Razdan) March 18, 2020
हा व्हिडिओ शेअर करताना सोनी राजदान यांनी कॅप्शनमध्ये लिहिले की, “आज नवी दिल्लीतील इंदिरा गांधी आंतरराष्ट्रीय विमानतळाच्या टर्मिनल ३ येथे. येणाऱ्या प्रवाशांचे पासपोर्ट घेत आहेत आणि सर्व तपासणी प्रक्रिया पूर्ण झाल्यानंतरच पासपोर्ट परत देत आहेत. भारतीय पासपोर्टसह उपस्थित असलेल्या भारतीय नागरिकांनाही बाहेर जाऊ दिले जात नाही. प्रवासी पोलिसांवर ओरडत आहेत आणि “आम्हाला ठार मारा” असे म्हणत आहेत.
सोनी राजदान यांचे हे ट्विट सोशल मीडियावर खूपच व्हायरल होत आहे आणि लोकही यावर बरीच प्रतिक्रिया देत आहेत.कोरोनाव्हायरसने संक्रमित लोकांची संख्या भारतात आतापर्यंत १४७ झाली आहे. याशिवाय कोरोनाव्हायरससह देशात आतापर्यंत तीन लोकांचा मृत्यू झाला आहे. खबरदारी म्हणून देशातील बर्‍याच भागात शाळा, महाविद्यालये व सार्वजनिक स्थानेही बंद ठेवण्यात आली आहेत.
