हॅलो बॉलिवूड ऑनलाईन। गेल्या कितीतरी दिवसांपासून बॉलिवूड अभिनेता सुनील शेट्टीची लेक अभिनेत्री अथिया शेट्टी आणि प्रसिद्ध क्रिकेटर केएल राहुल यांच्या रिलेशनशिपबद्दल बोललं जात होत. इतकंच नव्हे तर येत्या काळात राहूल आणि अथिया लग्न करणार आहेत अशीही चर्चा सगळीकडे रंगली होती. पण याबाबत दोघांनीही अधिकृत माहिती दिल्यामुळे नेमकं काय चाललंय याबाबत काहीही स्पष्ट सांगितलं जात नव्हतं. मात्र आता त्यांच्या निकटवर्तीयांकडून राहुल आणि अथिया येत्या नव्या वर्षाच्या सुरुवातीलाच लग्न बंधनात अडकणार असल्याची माहिती देण्यात अली आहे. तरीही अद्याप दोघांनी अधिकृतपणे आपले नाते जाहीर केलेले नाही.
अलीकडेच राहुल आणि अथियाच्या जवळच्या सूत्राने एका वेबसाईटला मुलाखत दिली होती. हि बातचीत करताना त्यांनी राहुल- अथियाच्या लग्नाची तारीखच सांगून टाकली आहे. यांनी सांगितल्याप्रमाणे अथिया आणि राहूल २१ ते २३ जानेवारी २०२३ दरम्यान लग्नबंधनात अडकणार आहेत. सध्या दोन्ही घरांमध्ये दोघांच्या लग्नाची जय्यत तयारी सुरू करण्यात आल्याचेही त्यांनी सांगितले. तरीही अथिया शेट्टीच्या किंवा केएल राहुलच्या कुटुंबाकडून अद्याप यावर काही अधिकृतपणे माहिती देण्यात आलेली नाही.
याशिवाय असेही बोलले जात आहे की, अथिया आणि केएल राहूल यांचे लग्न हे पारंपरिक दाक्षिणात्य पद्धतीने होणार आहे. हा लग्न सोहळा तीन ते चार दिवस मोठ्या धुमधडाक्यात होणार असल्याचेही सांगितले जात आहे. यामध्ये हळदी, मेहेंदी, संगीत आणि लग्न या सोहळ्याचे विभाजन केलेले आहे. तसेच त्यांच्या लग्नाचे ठिकाण याबाबत विशेष चर्चा असताना असेही सांगण्यात आले आहे कि, राहुल आणि अथियाचे लग्न हे सुनिल शेट्टीच्या खंडाळा येथील प्रशस्त ‘जहान’ बंगल्यावर होणार आहे.
Discussion about this post