हॅलो बॉलिवूड ऑनलाईन। पुनित बालन स्टुडिओज् प्रस्तुत ‘जग्गू आणि जुलिएट’ या चित्रपटाची सगळीकडेच जोरदार वाहवा चाललेली असतानाच पुन्हा एकदा या चित्रपटातील एक गाणं रिलीज होताच चर्चेत आलं आहे. हे गाणं चर्चेत यायचं कारणंही तसं स्पेशल आहे… श्रीवल्ली फेम सिड श्रीराम या प्रसिद्ध गायकाने जग्गू आणि जुलिएट मधील ‘कधी न तुला’ हे गाणं गायलं असून रिलीज झाल्याच्या काही क्षणांतच ते व्हायरल झालं आहे. दाक्षिणात्य गायक सिड श्रीराम यांनी मराठी गाणं गायलं असून, हेही प्रेक्षकांच्या पसंतीस उतरताना दिसत आहे.
अमेय वाघने साकारत असलेला कोळीवाड्यातला जग्गू आणि वैदेही परशुरामी साकारत असलेली अमेरिकेची जुलिएट यांची कलरफुल लव्हस्टोरी असलेला जग्गू आणि जुलिएट हा चित्रपट त्याच्या मोशन पोस्टरपासूनच चर्चेत होते. याशिवाय अजय-अतुल या लाडक्या संगीतकार जोडीची चार सुमधूर गाणी आणि महेश लिमये यांचं दिग्दर्शन असलेला हा चित्रपट डोळ्याच आणि कानांचं पारणं फेडणारा असेल असं दिसतंय.
‘कधी न तुला’ या गाण्यात जग्गू आणु जुलिएटला प्रेमाची जाणीव होऊन त्या प्रेमाच्या अंतरंगात डोकावून पाहण्याची ओढ लागली आहे असं दिसतंय. एक हळुवार भावनेची गोष्ट सांगणारं हे गाणं आहे. अशातच या गण्याला सिडचा आवाज, गुरू ठाकूर यांचे शब्द आणि अजय-अतुल यांचं रमणीय संगीत यांमुळे चार चाँद लागले आहेत. तसेच या गाण्यात या दोघांसबत वाहणारी गंगा नदी आणि देवभूमी उत्तराखंडातील नयनरम्य दृश्य प्रेक्षकांच्या मनाला स्पर्शून जाणारी आहेत.
अमेय-वैदेहीसोबतच हृषिकेश जोशी, उपेंद्र लिमये, प्रविण तरडे, मनोज जोशी, समीर धर्माधिकारी, समीर चौघुले, अविनाश नारकर, सुनिल अभ्यंकर, सविता मालपेकर, रेणूका दफ्तरदार, अभिज्ञा भावे, अंगद म्हसकर, जयवंत वाडकर, केयुरी शाह अशा जबरदस्त कलाकारांची फौज चित्रपटात दिसत आहे, त्यामुळे मल्टिस्टारर चित्रपटाचा आनंद प्रेक्षकांना पुन्हा एकदा मिळणार आहे. ‘पुनीत बालन स्टुडिओज्’ने यापूर्वी निर्मिती केलेला सामाजिक विषयावरील ‘मुळशी पॅटर्न’च्या सुपरहिट यशानंतर आता ‘जग्गू आणि जुलिएट’च्या रूपात नवीकोरी रोमँटिक लव्हस्टोरी प्रदर्शित होत आहे. पुनीत बालन स्टुडिओज् निर्मित, अजय-अतुल म्युझिकल आणि महेश लिमये यांच्या दिग्दर्शनाची आणि कॅमेऱ्याची जादू दाखवणारा ‘जग्गू आणि जुलिएट’ १० फेब्रुवारी रोजी आपल्या भेटीस येत आहे.
Discussion about this post