हॅलो बॉलिवूड ऑनलाईन। बिग बॉसच्या घरात कॅप्टन्सीला एक विशेष महत्व आहे. कारण बिग बॉसच्या घरात कॅप्टन्सी मिळणे म्हणजे एका पूर्ण आठवड्यासाठी नॉमिनेशपासून वाचणे, शिवाय काही हक्क, अधिकार मिळणे आणि घराची सत्ता हातात येणे. अशी संधी कुणालाही का सोडावीशी वाटेल..? असेच झाले बिग बॉस १६ च्या घरात. अंकित कॅप्टन झाला आणि त्याने त्याचं राज्य चालवलं. यानंतर आता नव्या कॅप्टनच्या निवडीची वेळ आली आहे. पण या कॅप्टन्सीच्या टास्कमध्ये सो कॉल्ड ग्रुप बोलल्या जाणाऱ्या गटात मोठी भांडणे होताना दिसतील.
या घरात साजिद खान, अब्दू रोझिक, शिव ठाकरे, एमसी स्टॅन, निम्रित अहलुवालिया हे एका ग्रुपचा भाग असल्याचे खूप आठवड्यांपासून बोलले जात आहे. अशातच गेल्या विकेंडला सलमान खानने निम्रित आणि शिवला त्यांच्या गेटवर फोकस करण्याचा सल्ला दिला. साजिद खानसोबत असणार त्यांचं नातं त्यांना कुठेतरी गेटपासून भलत्याच दिशेकडे नेत असल्याचे त्यांना सांगितले गेले. ज्यामुळे कदाचित निम्रित आता बगावत करण्यावर उतरली आहे. एकीकडे कॅप्टन्सीचा टास्क समोर आहे दुसरीकडे कुणाला कॅप्टन बनवायचं या मुद्द्यावरून हा गट भांडताना दिसणार आहे.
ग्रुपचा मास्तर माईंड म्हणून साजिद खानला एक टॅग मिळालेला आहेच. अशातच विकेंड का वार मध्ये त्याच्याबद्दल बोलल्या गेलेल्या गोष्टींवरून तो वारंवार इतर सदस्यांना बोलताना दिसला. यातच कॅप्टन्सी टास्कमध्ये त्याने प्रियांका चहर चौधरीला कॅप्टन बनविण्याचा पक्ष मांडला. ज्यावर निम्रितने थेट नकार दिला. यावरून त्यांच्यामध्ये नाराजी निर्माण झाली. यानंतर निम्रित थेट सगळ्यांसमोर देखील प्रियंकाला म्हणाली कि मला तुला कॅप्टन बनवायचं नाही. यामुळे आता साजिद आणि निम्रितमध्ये भांडण होण्याची शक्यता नाकारता येत नाही. या ग्रुपच्या मैत्रीत लवकरच फूट पडू शकते. याचा परिणाम नेमका काय होणार हे आजच्या भागात कळेल.
Discussion about this post