हॅलो बॉलिवूड ऑनलाईन। बॉलिवूड सिनेइंडस्ट्रीतील सगळ्यांचा लाडका भाईजान म्हणजेच अभिनेता सलमान खान याचा चाहता वर्ग प्रचंड मोठा आहे. सोशल मीडियावर सक्रिय असलेल्या भाईजानच्या प्रोफाईलबद्दल वेगळं काही सांगायलाच नको. सध्या सलमान कलर्स टीव्हीच्या बिग बॉसच्या १६ व्या सिजनचे होस्टिंग करत आहे. तर दुसरीकडे त्याचे आगामी चित्रपट पाइपलाइनमध्ये आहेत. सध्या सोशल मीडियावर सलमानचा नवा आणि जबरदस्त लूक चाहत्यांना वेड लावतो आहे.
बॉलिवूड अभिनेता सलमान खान याने आपल्या अधिकृत सोशल मीडियावर त्याचा नवा लूक शेअर केला आहे. जो पाहून त्याचे चाहते आणि नेटकरी एकदम खुश झाले आहेत. सलमानने एकदम रोमँटिक, जेंटलमॅन असा लूक शेअर केल्यानंतर सोशल मीडियावर हे फोटो चांगलेच व्हायरल झाले आहेत. भाईजानची फॅन फिलिंग पाहता हे फोटो तुफान व्हायरल होत आहेत. सलमानने एकूण २ फोटो सोशल मीडियावर शेअर केले आहेत. हे फोटो शेअर करताना कॅप्शनमध्ये त्याने लिहिले आहे की, ‘For a rainy day’. म्हणजेच काय तर सलमानला मुंबईचा पाऊस आवडतोय.
माहितीनुसार सलमान खानचा हा फोटो त्याचा आगामी चित्रपट ‘किसी का भाई किसी कि जान’मधील नवा लूक आहे. सलमानने दोन दिवसांपूर्वी या चित्रपटातील नवा लूक चाहत्यांसोबत शेअर केला होता. तोसुद्धा चाहत्यांना फार आवडला होता. सध्या बिग बॉसमधील सलमानच्या होस्टिंगची सगळीकडे चर्चा आहे. ज्या पद्धतीने तो स्पर्धकांचा क्लास घेतो त्याची बोलायची पद्धत सगळ्यांना आवडते.
Discussion about this post