हॅलो बॉलिवूड ऑनलाईन । बॉलिवूडमधील ज्येष्ठ अभिनेत्री श्रीदेवीने २४ फेब्रुवारी २०१८ रोजी जगाला निरोप दिला.तिच्या अकस्मात मृत्यूची बातमी ऐकून सर्वांनाच आश्चर्य वाटले. आज तिची पुण्यतिथी आहे आणि २ वर्षानंतरही तिच्या आठवणी लोकांच्या मनात जिवंत आहेत. श्रीदेवीला तिची मुलगी जान्हवी कपूर हिच्यासह अनेक बॉलिवूड सेलिब्रिटींनी आठवण काढली. त्याचे फोटो सोशल मीडियावर व्हायरल होत आहेत.
अनिल कपूर यांनी श्रीदेवीच्या आठवणीत एक मेसेज लिहिला आहे की, ‘श्री … दोन वर्ष उलटून गेली पण आजही आम्ही तुला रोज आठवतो. जुन्या आठवणी आठवल्या कि चांगले वाटते. तु नेहमीच आमच्या प्रार्थनेत राहशील’.
अनिल कपूरची पत्नी सुनीताने श्रीदेवीसोबतचा एक फोटो इंस्टाग्रामवर शेअर केला आहे. यात श्रीदेवी खूपच खूश दिसत आहे.
प्रसिद्ध फॅशन डिझायनर मनीष मल्होत्रानेही फोटो शेअर करुन श्रीदेवीची आठवण काढली आहे.
जान्हवी कपूरने आईचे आठवण काढताना लहानपणाचा फोटो शेअर केला आणि लिहिले, ‘तू मला दररोज आठवते’.
संजय कपूरने श्रीदेवीसोबत चा एक गमतीशीर फोटो शेअर केला आहे
