हॅलो बॉलिवूड ऑनलाईन। बॉलिवूड अभिनेता अजय देवगण याच्या सिंघम चित्रपटाची सिरीज हिट आहे. प्रेक्षकांनी या सीरिजला प्रचंड प्रेम दिले आहे. यानंतर दिग्दर्शक रोहित शेट्टीने अलीकडेच सिंघमच्या सिक्वेलची घोषणा केली आहे. सोबतच त्याने या चित्रपटात लेडी सिंघमच्या भूमिकेत अभिनेत्री दीपिका पदुकोण दिसणार असल्याची माहिती दिली आहे. दीपिका पहिल्यांदाच एखाद्या चित्रपटात लेडी सिंघम अर्थात कॉपच्या भूमिकेत दिसणार आहे. शिवाय अजय देवगणसोबत स्क्रीन शेअर करायला मिळणार याचा दीपिकाला प्रचंड आनंद आणि उत्सुकता असल्याचे तिने सांगितले आहे.
दिग्दर्शक रोहित शेट्टीच्या या आगामी सिक्वेलचे नाव ‘सिंघम अगेन’ असे असून नुकतेच या चित्रपटाच्या स्क्रिप्टचे वाचन झाले. यावेळी अजय देवगणने सोशल मीडियावर पोस्ट शेअर करत माहिती दिली होती. रोहित शेट्टी आणि दीपिका यांनी ‘चेन्नई एक्स्प्रेस या चित्रपटासाठी एकत्र काम केले होते. यानंतर आता सिंघम अगेनसाठी एकत्र काम करत असताना रोहित शेट्टी म्हणाला कि, ‘सगळ्यांना माहीत आहे की मी दिग्दर्शित केलेल्या आगामी चित्रपटाचे नाव ‘सिंघम अगेन’ आहे. मी कधीही लेडी सिंघमची ओळख करून दिली नाही. त्यामुळे आज मी तुम्हाला सांगतो की दीपिका पदुकोण ‘सिंघम अगेन’मध्ये लेडी सिंघमच्या भूमिकेत दिसणार आहे. दीपिका माझ्या कॉप युनिव्हर्सची बॉम्बशेल आहे. आम्ही पुढच्या वर्षी या चित्रपटावर काम सुरू करू.’
रोहित शेट्टीने दीपिकाबरोबर ‘सिंघम अगेन’मध्ये काम करण्याची घोषणा केल्यानंतर दीपिकाने धन्यवाद म्हणत म्हटले कि, ‘मी या प्रोजेक्टबद्दल खूप उत्सुक आहे. रोहित शेट्टीच्या चेन्नई एक्स्प्रेस या चित्रपटाने मला एक लोकप्रिय व्यक्तिरेखा दिली. त्यामुळे मला नेहमीच त्याच्याबरोबर काम करण्याची इच्छा होती.’ चेन्नई एक्सप्रेसनंतर रोहित शेट्टी आणि दीपिका पदुकोण आता दुसऱ्यांदा एकत्र कमाल करण्यासाठी सज्ज झाले आहेत. चेन्नई एक्सप्रेस हा बॉक्स ऑफिसवरील हिट चित्रपटांपैकी एक आहे.
Discussion about this post