Take a fresh look at your lifestyle.

सुप्रसिद्ध शायर शम्स जालनवी यांचे निधन

हॅलो बॉलीवूड ऑनलाईन | प्रसिद्ध शायर शम्स शम्सोद्दीन तथा शम्स जालनवी यांचे आज पहाटे वयाच्या 95 व्या वर्षी निधन झाले. दुपारी दर्गा सय्यद अहमद शेर सावरच्या आवारात त्यांचा दफनविधी केला जाणार आहे. त्यांच्या पश्चात दोन मुले आणि तीन मुली, नातवंडे असा परिवार आहे

शम्स यांचा जीवनप्रवास खूपच वेगळा होता. कधी काळी बिडी कंपनीचे मालक असलेले शम्स जालनवी अचानक शायरीकडे वळले आणि गझलेच्या याच प्रांतातच रमले. देशभरातील शेकडो मुशायऱ्यांतून त्यांनी आपली गझल सादर केली आणि गझलप्रेमींवर गारुड केले. शम्स जालनवी हे मागील ८० वर्षांपासून काव्यलेखन करीत होते. त्यांचे “तमाजात”, “मध्यान का सूर्य ” काव्यसंग्रह प्रकाशित आहेत. देश-विदेशातील अनेक मुशायर्‍यात शम्स सहभागी झाले.

कवी संमेलन असो किंवा गझलांची मैफल असो, ‘मेरा मन कितना पागल है’ या त्यांच्या गझलेसाठी हमखास फर्माइश येत असे. अखेरच्या श्वासापर्यंत त्यांनी गझलवर प्रेम केले. दखनी परंपरेतील महत्त्वाचे कवी असलेल्या शम्स यांच्या निधनाबद्दल साहित्य क्षेत्रात शोक व्यक्त करण्यात येत आहे.

Comments are closed.