हॅलो बॉलिवूड ऑनलाईन। मराठी मनोरंजन विश्वात गेल्या ९ वर्षांपासून प्रेक्षकांचे मनोरंजन करणारी अभिनेत्री राधा सागर हा मालिका विश्वातील लोकप्रिय चेहरा आहे. ‘आई कुठे काय करते’, ‘सुंदरा मनामध्ये भरली’ अशा दर्जेदार मालिकांमधून तिने प्रेक्षकांच्या घराघरात आणि मनामनांत पोहोचली आहे. इतकंच काय तर तिने मराठी चित्रपट ‘चंद्रमुखी’मध्येही लक्षवेधी भूमिका साकारली होती. तिचा स्वतःचा एक वेगळा चाहता वर्ग आहे आणि त्यांच्यासाठी एक आनंदाची बातमी आहे. राधा प्रेग्नेंट असून ती लवकरच आई होणार आहे. बेबी बंप दाखवतानाचा व्हिडीओ शेअर करत तिनेच हि माहिती दिली आहे.
अभिनेत्री राधा सागर हि तिने साकारलेल्या खलनायकी भूमिकांमुळे नेहमीच प्रेक्षकांच्या नजरेत येत असते. त्यामुळे तिचा जो चाहता वर्ग आहे त्यांना तिच्याबद्दल जाणून गेहण्यात विशेष रूची असते. अशी राधा आता लवकरच आई होणार आहे आणि यानिमित्त तिने एक गोड व्हिडिओ शेयर केला आहे. तिचा हा व्हिडिओ चांगलाच चर्चेत आला आहे. राधाने तिचा पती सागर कुलकर्णीसोबत बेबी बंप दाखवत फोटोशूट केलं आहे. याचा एक सुंदर व्हिडीओ तिने सोशल मीडियावर शेयर केला असून त्यावर नेटकऱ्यांनी तिला शुभेच्छा दिल्या आहेत.
हा व्हिडीओ शेअर करताना तिने लिहिले आहे कि, ‘माझ्यासाठी आजचा दिवस अत्यंत खास आहे ..’. राधाच्या कॅप्शनचा अर्थ असा कि, आज तिचा वाढदिवस आहे आणि या दिवसाचे औचित्य साधून तिने ही गोड बातमी सगळ्यांबरोबर शेअर केली आहे. अभिनेत्री राधा सागर हि नेहमीच सोशल मीडियावर सक्रिय असते. त्यामुळे तिचे फॉलोवर्सही बरेच आहेत. तिने हि बातमी शेअर करताच तिच्यावर शुभेच्छांचा वर्षाव सुरु झाला आहे. काही महिन्यांपूर्वी तिने मालिकांच्या शूटिंगमधून अचानक ब्रेक घेतला होता. तेव्हा विविध चर्चा सुरु झाल्या होत्या. पण आता नेमकं कारण उघड झाल्यामुळे सगळे चाहते खुश झाले आहेत.
Discussion about this post