हॅलो बॉलीवूड, ऑनलाईन । बरीच प्रतीक्षा आणि चर्चेनंतर आलिया भट्टच्या चित्रपटाचे पहिले गंगूबाई काठियावाडी पोस्टर आज प्रसिद्ध झाले आहे. संजय लीला भन्साळी दिग्दर्शित असणाऱ्या या चित्रपटाची लोकांची प्रतीक्षा आहे. आणि का नसावी… आलिया आतापर्यंत तिच्या कारकिर्दीतील खूप हटके भूमिकेत दिसणार आहे. भन्साळी प्रॉडक्शन आणि आलिया भट्ट यांनी त्यांच्या सोशल मीडिया अकाउंट, ट्विटर आणि इंस्टाग्रामवर चित्रपटाची दोन पोस्टर्स जाहीर केली आहेत.
पहिल्या पोस्टरमध्ये आलिया साध्या सरळ मुलीसारखी दिसत आहे. जे टेबलाच्या बाजूला बसून काहीतरी विचार करत बसली आहे. पण या निरागस मुलीच्या टेबलावर बंदूक आहे. त्याचवेळी, दुसर्‍या पोस्टरमध्ये आलिया एकदम वेगळ्या लूकमध्ये दिसली आहे. दुसरे पोस्टर ब्लॅक अँड व्हाईट आहे, या पोस्टरमध्ये फक्त आलियाचा क्लोज अप आहे, कपाळावर मोठं कुंकू दिसत आहे. त्यात आलिया रागात दिसत आहे.
हा चित्रपट ‘गंगूबाई काठियावाडी’ च्या वास्तविक जीवनावर आधारित आहे. या चित्रपटात आलिया माफिया क्वीनची भूमिका साकारणार आहे. हा चित्रपट 11 सप्टेंबर 2020 रोजी प्रदर्शित होईल. हे पात्र आलियाच्या कारकिर्दीतील महत्त्वाचा टप्पा ठरू शकते. माफिया क्वीनची भूमिका करणे खूप आव्हानात्मक असेल यात वाद नाही.
