हॅलो बॉलिवूड ऑनलाईन। लोकप्रिय कलाकार जोडी अभिनेता रितेश देशमुख आणि त्याही पत्नी अभिनेत्री जिनिलिया देशमुख यांचा ‘वेड’ हा पहिला मराठी चित्रपट प्रदर्शित होऊ घातला आहे. यामुळे गेल्या काही दिवसांपासून सोशल मीडियावर हे जोडपं प्रचंड चर्चेत आहे. खूप वर्षांनंतर रितेश आणि जिनिलिया एकत्र मोठ्या पडद्यावर स्क्रीन शेअर करताना दिसणार आहेत. तसेच रितेशने या चित्रपटाचे दिग्दर्शन केल्यामुळे हा चित्रपट त्यांच्यासाठी आणखीच खास आहे. या चित्रपटाच्या माध्यमातून जिनिलियासुद्धा मराठी सिनेसृष्टीत पदार्पण करतेय. या चित्रपटाच्या प्रोमोशनसाठी ती आता मराठी मालिकेतही दिसणार आहे. तास एक व्हिडीओ नुकताच सोशल मीडियावर व्हायरल झाला आहे.
सध्या कलाविश्वात रितेश आणि जिनिलियाचा ‘वेड’ हा चित्रपट चांगलाच चर्चेत आहे. हा चित्रपट येत्या ३० डिसेंबर रोजी सर्वत्र प्रदर्शित होत आहे. यामुळे रितेश आणि जिनिलिया आपल्या चित्रपटाचे प्रमोशन करण्यात व्यस्त आहेत. या निमित्ताने जिनिलिया देशमुख आपल्याला स्टार प्रवाहवरील लोकप्रिय मराठी मालिका ‘रंग माझा वेगळा’मध्ये पाहुणी कलाकार म्हणून दिसणार आहे. त्यामुळे छोट्या पडद्यावरील ‘रंग माझा वेगळा’ या मालिकेच्या निमित्ताने आणि वेड चित्रपटाच्या प्रमोशन ऍक्टिव्हिटीमूळे जिनिलिया मालिकेतही दिसणार आहे.
या मालिकेतील जिनिलियाची एंट्री हि अतिशय खास असून मालिकेतील मुख्य पात्र दीपा आणि कार्तिक यांच्या प्रेमाचा दुआ ती होणार आहे. तसेच प्रेक्षकांना प्रेमाचा अर्थ सांगण्यासाठी जिनिलिया या मालिकेत दिसणार आहे. जिनिलिया वेड या चित्रपटातून पहिल्यांदाच मराठी चित्रपट सृष्टीत मुख्य भूमिकेत काम करणार आहे. या पूर्वी तिने हिंदी, तेलगू, तमिळ, कन्नड आणि मल्याळम अशा ५ विविध भाषिक चित्रपटांमध्ये काम केले आहे. या चित्रपटात रितेश देशमुख, जिनिलिया देशमुख यांच्यासह ज्येष्ठ अभिनेते अशोक सराफ, विद्याधर जोशी, शुभंकर तावडे आणि जिया शंकर हे कलाकारदेखील महत्वपूर्ण भूमिकेत दिसणार आहेत. तर प्रसिद्ध संगीतकार जोडी अजय अतुल यांनी या चित्रपटातील गाणी संगीतबद्ध केलेली आहेत.
Discussion about this post