हॅलो बॉलिवूड ऑनलाईन। गेल्या अनेक दिवसांपासून बऱ्याच सेलिब्रिटींची लग्न झाली आहेत. जो तो आपल्या आयुष्यात आपापल्या पार्टनरसोबत लग्नाच्या पवित्र बंधनात अडकताना दिसतोय. यातच आता अनेक दिवसांपासून चर्चेत असलेली अभिनेत्री हंसिका मोटवानीसुद्धा आता या लग्न बंधनात अडकली आहे. तिने तिचा बॉयफ्रेंड सोहेल कथूरिया याच्यासोबत ४ डिसेंबर २०२२ रोजी जयपूर येथील मुंडोता फोर्टमध्ये लग्न केले आहे. या शाहीर विविह सोहळ्यातील काही खास क्षण आता सोशल मीडियावर व्हायरल झाले आहेत.
हंसिका मोटवानीच्या लग्नाची चर्चा गेल्या महिन्याभरापासून सोशल मीडियावर रंगली होती. यानंतर अखेर ४ डिसेंबर २०२२ रविवारी तिचा शाही विवाह सोहळा मोठ्या धुमधडाक्यात पार पडला. यावेळी हंसिकाने लाल रंगाचा दुल्हन लेहंगा परिधान केला होता. या लेहंग्यासह तिने जॆलेले साजश्रुंगार खरोखरच पाहण्यासारखा होता.
अशी नखशिखांत सजलेली वधू हंसिका आणि तिचा राजबिंडा वर जेव्हा वरमाला साठी समोरासमोर आले तेव्हा सोहेलला आपले आनंदाश्रू थांबवता आले नाहीत. या मेड फॉर इच अदर जोडप्याच्या लग्नातील अशा अनेक सुंदर क्षणांचे व्हिडीओ सोशल मीडियावर व्हायरल होत आहेत.
मांगटिका, नथ, हातात लाल चुडा आणि लाल लेहंगा अशा ब्राइडल लूकमध्ये हंसिका ईतकी सुंदर दिसत होती कि तिच्यावरून कुणाचीही नजर हटणे फार कठीणच. सगळ्याच विधीं दरम्यान तिने स्वतःचा लूक खूपच क्लासी ठेवला होता.
माताची चौकी, बॅचलर पार्टी, संगीत पार्टी, हळदी सेरेमनी अशा विविध सेरेमनीसाठी तिने अतिशय खास लूक डिझाईज करून घेतले होते. हंसिकाच्या लग्नात केवळ जवळचे नातेवाईक आणि खास मित्र परिवार उपस्थित होता.
माहितीनुसार, हंसिकाचा पती सोहेल हा एक व्यावसायिक आहे आणि हंसिकासोबत त्याचं हे दुसरं लग्न आहे. गेल्या बऱ्याच काळापासून ते एकमेकांना ओळखत आहेत. सोहेलने हंसिकाला पॅरिसमधील आयफेल टॉवरवर प्रपोज केलं होतं आणि इथेच त्यांच्या या नात्याची अधिकृत सुरुवात झाली. या क्षणाचे सुंदर फोटोदेखील सोशल मीडियावर व्हायरल झाले होते.
Discussion about this post