हॅलो बॉलिवूड ऑनलाईन। बिग बॉस सीजन १३ फेम पंजाबी अभिनेत्री आणि गायिका हिमांशी खुराना संबंधित मोठी बातमी समोर येत आहे. अचानक प्रकृती ढासळल्यामुळे हिमांशीला उपचारांसाठी रुग्णालयात दाखल करण्यात आलं आहे. माहितीनुसार, अभिनेत्री हिमांशी खुराना तिच्या आगामी पंजाबी चित्रपटाचे रोमानियामध्ये शूटिंग करत होती. जिथे मायनस ७ डिग्री सेल्सिअस तापमानात तिचे शूट सुरु होते. वातावरणाचा परिणाम थेट हिमांशीच्या प्रकृतीवर झाला आणि ती आजारी पडली. दरम्यान तिला खूप ताप होता आणि अचानक तिच्या नाकातून रक्तसुद्धा येऊ लागले.
#himanshikhurana excited for this ….but i know wht all u are going
Through in this shooting…. Giving the best show is priority for directors … Wish u all happy and healthy environment throughout this ..tough time …Please be safe ..take proper rest and be safe pic.twitter.com/CSXPMUVPcT
— @Himanshi_khurana_kohinoor ( closed ) (@AryanOf20254281) December 27, 2022
अभिनेत्री हिमांशी खुराना सध्या परदेशात रोमानियामध्ये ‘फत्तों दे यार बडे ने’ या आगामी पंजाबी चित्रपटाच्या शूटिंगमध्ये व्यस्त आहे. या चित्रपटात हिमांशी व्यतिरिक्त इंदर चहल, निशा बानू या कलाकारांच्याही मुख्य भूमिका आहेत. मीडिया रिपोर्ट्सनुसार, अभिनेत्री हिमांशी खुरानाला आधीच ताप होता. पण चित्रपटाचे शूटिंग रखडू नये म्हणून ती शूटिंग करत होती. दरम्यान चित्रपटातील एका दृश्यासाठी तिला थंड पाण्यात शूट करायचे होते. पण तिची तब्येत आधीपासून खराब असल्यामुळे तिला आणखीच त्रास झाला. तिच्या नाकातून रक्तस्त्राव सुरू झाला आणि त्यानंतर तिला रुग्णालयात दाखल करण्यात आले.
एक मानांकित वृत्त वाहिनीने दिलेल्या वृत्तानुसार, ‘अभिनेत्री हिमांशी खुरानावर सध्या उपचार सुरू आहेत आणि तिला डॉक्टरांनी पूर्ण विश्रांती घेण्याचा सल्ला दिला आहे. अद्याप तिच्या तब्येतीबाबत लेटेस्ट कोणतेही अपडेट डॉक्टरांनी दिलेले नाहीत. हिमांशीने अलीकडेच तिच्या इंस्टाग्रामवर एक पोस्ट शेअर केली होती. ज्यामध्ये तीने रोमानियाच्या थंडीपासून बचावासाठी एकावर एक असे भरपूर कपडे परिधान केल्याचे दिसले. सोबत तिने कॅप्शनमध्ये म्हटले होते कि, ‘थंडी खूप आहे पण शूट करावे लागेल’. सोशल मीडियावर हिमांशीचे चाहते तिच्या प्रकृतीसाठी प्रार्थना करत आहेत.
Discussion about this post