हॅलो बॉलिवूड ऑनलाईन। बॉलिवूड सिनेविश्वातील तरुण अभिनेता कार्तिक आर्यन सध्या प्रचंड चर्चेत आहे. याचे कारण आहे त्याचा आगामी चित्रपट ‘शहजादा’. सध्या तो याच चित्रपटाच्या प्रमोशनमध्ये प्रचंड व्यस्त आहे. या चित्रपटात कार्तिक आर्यन मुख्य भूमिकेत असून एक हटके आणि वेगळी भूमिका तो सादर करत आहे. त्यामुळे या चित्रपटाबाबत तो स्वतः प्रचंड उत्सुक आहे. ‘शहजादा’ या चित्रपटात कार्तिकसह अभिनेत्री क्रिती सनॉन मुख्य भूमिकेत दिसणार आहे. या चित्रपटाचा टिझर नुकताच बुर्ज खलिफावर झळकला आहे आणि याचा व्हिडीओ सोशल मीडियावर व्हायरल झाला आहे. यावेळी कार्तिकचा आनंद त्याच्या चेहऱ्यावर साफ झळकत होता.
अभिनेता कार्तिक आर्यनची मुळातच भलतीच क्रेझ आहे. हि क्रेझ जेव्हा तो दुबईत दाखल झाला तेव्हा दिसून आली. ‘शहजादा’ या चित्रपटाचा टीझर जगातील सर्वात उंच इमारत बुर्ज खलिफावर जेव्हा झळकला तेव्हा कार्तिकसुद्धा तिथे उपस्थित होता. दरम्यान कार्तिकचे दुबईतील चाहते त्याला पहायला मोठ्या संख्येने उपस्थित होते. मोठ्या गर्दीसह आणि उत्साहात हा टिझर बुर्ज खलिफावर झळकला. अभिनेता शाहरुख खानच्या ‘पठाण’नंतर आता कार्तिकचा ‘शहजादा’ या इमारतीवर झळकला आहे. रोहित धवन दिग्दर्शित ‘शहजादा’ आज सर्वत्र प्रदर्शित झाला असून प्रेक्षकांची चांगली पसंती मिळताना दिसत आहे.
अभिनेता कार्तिक आर्यन याचा आगामी चित्रपट ‘शहजादा’ हा बॉलिवूडसाठी चांगले दिवस घेऊन येईल अशी आशा आहे. कारण काही दिवसांपूर्वीच या चित्रपटाचे ऑनलाईन तिकिट बुकिंग सुरू करण्यात आले आहे. रिपोटनुसार, प्रदर्शनापूर्वीच हा चित्रपट एक दोन नव्हे तर तब्बल आठ कोटींची तुफान कमाई करेल अशी निर्मात्यांना अपेक्षा आहे. याशिवाय ‘शहजादा’ चित्रपटाने प्रदर्शन होण्याआधीच ६५ कोटींची कमाई केल्याचे समोर आले आहे. म्युझिक, सॅटेलाइट आणि ओटीटी राइट्सच्या माध्यमातून या चित्रपटाच्या निर्मात्यांनी हे ६५ कोटी रुपये कमावले असल्याचे सांगितले जात आहे.
Discussion about this post