हॅलो बॉलिवूड ऑनलाईन। बिग बॉस मराठी काय केलं अभिनेते किरण माने सोशल मीडियावर फॉर्मातचं आले. टीव्ही मालिकांमधून प्रकाशझोतात आलेला आलेले किरण माने हे सोशल मीडियावर शेअर केलेल्या विविध वादग्रस्त पोस्टमुळे चर्चेत येत असत. मात्र बिग बॉस नंतर ते असे काही चर्चेत आले की त्यांचा चाहता वर्ग दुप्पट तिप्पट झाला आहे.
नुकताच किरण माने यांनी आपला वाढदिवस वाईच्या फार्महाऊसवर मित्रमंडळींसोबत साजरा केला. दरम्यानचे फोटो शेअर करत त्यांनी एक पोस्ट शेअर केली होती. मानेंच्या लेखणीतली जादू ही त्यांनी शेअर केलेल्या पोस्टमधून थेट वाचणाऱ्याच्या मनात उतरत असते हे काही नव्याने सांगायला नको. अशीच एक पोस्ट शेअर करत त्यांनी पुन्हा एकदा नेटकऱ्यांचे लक्ष वेधून घेतले आहे
अभिनेता किरण माने यांनी अधिकृत सोशल मीडिया हँडल इंस्टाग्रामवर विमानात खिडकीजवळ बसलेला एक फोटो शेअर केला आहे. या फोटोसोबत त्यांनी एक हटके कॅप्शनसुद्धा लिहिले आहे. त्यांनी लिहिलंय कि, ‘कितीबी वेळा बसा, पन दरवेळी इमानात बसलं की फोटू काढाय लागतो भावा. शास्त्र असतंय ते ! नवा प्रवास… नवा सिनेमा… नवी भूमिका… ‘. किरण माने यांनी या कॅप्शन मधून एक महत्त्वाची माहिती दिली आहे आणि ती म्हणजे लवकरच ते एका नव्या सिनेमातून प्रेक्षकांच्या भेटीला येत आहेत. किरण माने यांचा विमानाच्या खिडकीतला हा फोटो आणि त्यासोबतचे हे कॅप्शन चाहत्यांचे लक्ष वेधून घेत आहे.
कॅप्शनमधून त्यांनी सांगितल्याप्रमाणे ते आणखी एका चित्रपटात महत्त्वाच्या भूमिकेत आहेत हे जाणून त्यांचे चाहते आनंदी झाले आहेत. किरण माने यांनी काम केलेला ‘रावरंभा’ हा ऐतिहासिक चित्रपट लवकरच आपल्या भेटीस येत आहे. शिवाय ते इतरही काही चित्रपटांच्या शूटिंगमध्ये व्यस्त असल्याचे त्यांनी आपल्या पोस्टमधून वेळोवेळी सांगितले आहे. अलीकडेच ते सुबोध भावेसोबतही शूट करताना दिसले होते. यानंतर आता आणखी एका नव्या चित्रपटाविषयी त्यांनी या फोटो सोबत लिहिलेल्या कॅप्शन मधून माहिती दिली आहे. त्यामुळे येत्या काळात किरण माने बरेच चित्रपट आणि बऱ्याच विविध भूमिकांमधून प्रेक्षकांच्या भेटीस येत असल्याचे समजत आहे. यामुळे त्यांच्या चाहत्यांची उत्सुकता चांगलीच वाढली आहे.
Discussion about this post