हॅलो बॉलिवूड ऑनलाईन। प्रेक्षकांचा लाडका कॉमिक अभिनेता कुशल बद्रिके हा चला हवा येऊ द्या या कार्यक्रमातून सगळ्यांना हसवताना आपण पाहिला आहे. याशिवाय विविध चित्रपटातील लहान मोठ्या भूमिकांमध्ये आपण कुशलला पाहिले आहे. पण कुणी कुशलला गाताना ऐकलंय का..? नाही..? मग आता त्याला गातानाही ऐकता येईल. कारण विजू माने लिखित एका गाण्याचे गायन स्वतः कुशलने केले आहे. हे गाणं रॅप सॉन्ग असून सोशल मीडियावर रिलीज करण्यात आलं आहे. याबाबत विजू माने यांनी पोस्ट शेअर केली आहे.
विजू माने यांनी फेसबुकवर हि पोस्ट शेअर केली आहे. हि एक व्हिडीओ पोस्ट असून यासोबत त्यांनी एक कॅप्शन लिहिले आहे. त्यांनी लिहिलंय कि, टायटल सॉंग लिहायला मला आवडतं. याआधीही मी काही मालिकांची, सिनेमांची टायटल सॉंग लिहिली आहेत. राजकीय गाणी लिहिणं हा माझ्या व्यवसायाचा भाग आहे. पण हे टायटल सॉंग माझं मलाच आवडलं. कुशलने गातानाही मन लावून गायल्यामुळे त्याची रंगत वाढलीये. माझ्या मते कुशलचा गायक म्हणून हा पहिला प्रयत्न असावा. तुम्हाला आवडतंय का पहा. आणि हो लक्षात आहे ना 15 तारखेला पहिला एपिसोड येतोय light & shade events आणि salaamthane या फेसबुक आणि यूट्यूब चैनल वर.
‘जीवाचं रान मतदान’ नामक एका टॉक शो चे हे टायटल सॉंग असून याचे सूत्र संचालन स्वतः विजू माने करणार आहेत. या गाण्याचे बोल स्वतः दिग्दर्शक विजू माने यांनी लिहिले आहेत. कुशल बद्रिकेने गायक म्हणून पहिल्यांदाच गाणे गायले आहे. या गाण्याचे बोल अतिशय हटके आहेत. राजकारण नको वाटतं, बातम्या ऐकून डोकं फाटतं असे काहीसे याचे बोल आहेत. या गाण्याला सोशल मीडियावर तुफान पसंती मिळत आहे. प्रेक्षकांनीही कुशलला गायक म्हणून मान्य केले आहे आणि त्याचे गाणे डोक्यावर उचलून घेतले आहे.
Discussion about this post