हॅलो बॉलिवूड ऑनलाईन। अभिनेता ललित प्रभाकर हा सध्या त्याच्या आगामी ‘सनी’ या चित्रपटामुळे प्रचंड चर्चेत आहे. त्याचा लूक, त्याची स्टाईल हि नेहमीच त्याच्या चाहत्यांसाठी चर्चेचा विषय असते. पण यावेळी चित्रपटातील सनी आणि या भूमिकेचा प्रभाव याविषयी सोशल मीडियावर जास्त बोललं जात आहे. अशातच ललित प्रभाकरने स्वतःच चित्रपटातील ‘सनी’ या पात्राचा एक फोटो शेअर करत एक लक्षवेधी कॅप्शन शेअर केलं आहे.
मराठी अभिनेता ललित प्रभाकर याने अधिकृत सोशल मीडिया हॅण्डल इंस्टाग्रामवर एक पोस्ट शेअर केली आहे. यामध्ये त्याने आगामी चित्रपटातील सनी या भूमिकेतील फोटो शेअर केला आहे आणि सोबत एक कॅप्शन लिहिले आहे. यात त्याने लिहिलंय कि, ‘माझ्याकडे जे आहे.. तो एकटेपणा आहे आणि हे एकटेपणचं माझं रक्षण करतं’. ललितच्या या पोस्टमध्ये खूप खोल अर्थ दडला आहे. कदाचित एकटेपणाशी त्याच फार गहिरं नातं असेल असे या पोस्टवरून वाटते.
हेमंत ढोमे दिग्दर्शित आणि ललित प्रभाकर अभिनित ‘सनी’ या चित्रपटाची कथा फार जवळची अशी आहे. आपापल्या घरापासून लांब राहणाऱ्या प्रत्येकाची हि गोष्ट आहे. यामध्ये ‘सनी’ शिक्षणासाठी परदेशात गेल्यावर पाठीमागे काहीतरी सोडून आल्याची त्याला सतत जाणीव होताना दिसतं असं म्हणतात, लांब गेल्यावरच जवळच सापडतं. असा अनुभव सनी प्रत्यक्षात घेतो. त्याच्या मनाची अवस्था आणि न संपणारा एकटेपणा याविषयी हा चित्रपट बरंच काही बोलून जातो. हा चित्रपट येत्या १८ नोव्हेंबर २०२२ रोजी प्रदर्शित होणार आहे. सनीला एकटेपणा बोचत असला तरीही ललितला प्रत्यक्ष आयुष्यात ‘एकटेपणातच सुख वाटत आहे’ हे नक्की
Discussion about this post