हॅलो बॉलिवूड ऑनलाईन । कोरोनाव्हायरसचा प्रभाव हळू हळू भारतात देखील दिसू लागला आहे. आतापर्यंत भारतात कोरोनाव्हायरसची २९ प्रकरणे नोंदली गेली आहेत. अशाप्रकारे, कोरोनाव्हायरसबद्दल अनेक मेम्स सोशल मीडियावर तयार केल्या जात आहेत. कोरोनाव्हायरसशी संबंधित एक मीम सोशल मीडियावर अभिनेत्री मलायका अरोरानेही शेअर केले होते, ज्यावर बरेच लोक आकर्षित झाले आहे. या मीमने मलायका अरोराने २०१९ मध्ये काढलेल्या विमानतळाच्या फोटोची तुलना २०२०मध्ये काढलेल्या विमानतळाशी केली आहे. कोरोनाव्हायरसशी संबंधित या मीमने सोशल मीडियावर बरीच चर्चा रंगविली आहे.मलायका अरोराने तिच्या इन्स्टाग्राम स्टोरीवर हा मिम शेअर केला आहे.
मलायका अरोराच्या या मीममध्ये जिथे एक महिला २०१९ च्या लूकमध्ये एक्दम कॅज्युअल आउटफिटमध्ये दिसत आहे, तर दुसरीकडे एक व्यक्ती २०२० च्या लूकमध्ये पूर्णपणे झाकलेली दिसत आहे.कोरोनाव्हायरस संबंधित भारतातील ताजी घटना गुडगाव येथील आहे, जेथे पेटीएमचा एक कर्मचारी तपासणी दरम्यान कोरोनाव्हायरसने संक्रमित असल्याचे आढळले. कंपनीने जारी केलेल्या एका निवेदनात म्हटले आहे की हा कर्मचारी नुकताच सुट्टीच्या दिवशी इटलीहून परत आला होता, जो कोरोनो व्हायरस मुळे सर्वाधिक प्रभावित झालेल्या देशांपैकी एक आहे.
त्याचवेळी मलायका अरोराबद्दल बोलायचे झाल्यास ही अभिनेत्री सोशल मीडियावर खूप अ‍ॅक्टिव आहे. चित्रपटांपासून दूर राहिल्यानंतरही ती नेहमीच आपल्या स्टाईल आणि लुकमुळे चर्चेत असते. तिचे बरेचसे फोटो आणि व्हिडिओ सोशल मीडियावरही खूप व्हायरल झाले आहेत. आजकाल मलाइका अरोरा सोनी टीव्हीच्या डान्स रिऍलिटी शो ‘इंडियाज बेस्ट डान्सर’ ला जज करत आहे. या शोमध्ये टेरेन्स लुईस आणि गीता कपूर देखील जजच्या भूमिकेत आहेत.
